আফগানিস্তানত থকা ভাৰতীয়সকলক স্বদেশলৈ উভতিবলৈ আহ্বান ভাৰতৰ

এখনৰ পাছত আন এখন চহৰ দখল কৰিছে তালিবানে । কালি সন্ত্ৰাসবাদী সংগঠনটোৱে আফগানিস্তানৰ আন এখন বৃহৎ চহৰ নিজৰ দখললৈ আনিলে ।

মাজাৰ এ শ্বৰীফ চহৰৰ সৰহভাগ অঞ্চল তালিবানে দখল কৰে । আফগানিস্তানৰ চতুৰ্থখন বৃহৎ চহৰ মাজাৰ এ শ্বৰীফ পৰিচিত । এইখন চহৰ তালিবানে দখল কৰাৰ পাছত ভাৰত চৰকাৰে আফগানিস্তানত থকা ভাৰতীয়সকলক স্বদেশলৈ উভতি আহিবলৈ আহ্বান জনায় ।

মাজাৰ এ শ্বৰীফত বাস কৰা ভাৰতীয় নাগৰিকসকলক ওভতাই আনিবলৈ ভাৰতে বিশেষ বিমানো প্ৰেৰণ কৰিছে । মাজাৰ এ শ্বৰীফৰ দূতাবাসত কৰ্মৰত ভাৰতীয় কৰ্মচাৰীসকলকো স্বদেশলৈ উভতাই অনাৰ বিশেষ ব্যৱস্থা ভাৰত চৰকাৰে কৰিছে ।