শ্রীনগৰত আৰক্ষী ভুৱা সংঘর্ষৰ অভিযোগ পৰ্যবেক্ষণ কৰিবলৈ মেজিষ্ট্ৰেট পর্যায়ৰ তদন্তৰ নির্দেশ দিলে জম্মু আৰু কাশ্মীৰৰ লেফটেনেন্ট গভর্নৰ মনোজ চিন্হাই । বৃহস্পতিবাৰে চৰকাৰীভাৱে এই নির্দেশনা জাৰি হৈছে ।
লেফটেনেন্ট গভর্নৰে জনাইছে, অভিযোগৰ নিৰপেক্ষ তদন্ত আৰু ন্যায়বিচাৰ হ’ব । টুইটাৰচ তেওঁ লিখে, ‘‘হায়দৰপোৰাত আৰক্ষী সংঘর্ষৰ ঘটনাত অতিৰিক্ত জিলা প্ৰশাসক পর্যায়ৰ এক প্রশাসনিক বিষয়াৰ নেতৃত্বত মেজিষ্ট্ৰেট পর্যায়ৰ তদন্তৰ নির্দেশ দিয়া হৈছে । নির্দিষ্ট সময়সীমাৰ ভিতৰত প্ৰতিবেদন জমা দিয়া হ’ব আৰু চৰকাৰে উপযুক্ত ব্যৱস্থা গ্ৰহণ কৰিব । জম্মু আৰু কাশ্মীৰ প্রশাসনে পুনৰ নিৰপৰাধ নাগৰিকসকলৰ জীৱন ৰক্ষাৰ প্রতিশ্রুতি দিছে । অংগীকাৰ কৰিছে, কাৰো অন্যায় নহয় ।’’
সোমবাৰে নিশা শ্রীনগৰৰ হায়দৰপোৰাত এটা বাণিজ্যিক ভৱনত আৰক্ষীৰ স’তে হোৱা সংঘর্ষত চাৰিজন সন্ত্ৰাসবাদীৰ মৃত্যু হৈছে বুলি চৰকাৰৰ তৰফৰ পৰা দাবী কৰা হয় । নিহতসকলৰ ভিতৰত আছে ৰামবন জিলাৰ বাসিন্দা আমিৰ মাগৰে । আমিৰৰ পিতৃ আব্দুল লতিফ মাগৰে ২০০৫ ত এজন সন্ত্ৰাসবাদীক শিল দলিয়াইছিল । এতিয়াও অঞ্চলটোৰ সন্ত্ৰাস-বিৰোধী গাঁওবাসী গোষ্ঠীৰ সক্রিয় সদস্য তেওঁ । লতিফৰ দাবী, তেওঁৰ পুত্ৰৰ স’তে সন্ত্ৰাস গোষ্ঠীৰ কোনো সম্পৰ্ক নাছিল । শ্রীনগৰৰ এটা দোকানত কাম কৰিছিল আমিৰ । তেওঁক ভুৱা অভিযোগত সংঘর্ষৰ ৰূপ দি হত্যা কৰা হৈছে ।
সোমবাৰৰ ‘সংঘর্ষ’ত নিহতসকলৰ ভিতৰত পাকিস্তানি সন্ত্ৰাসবাদী হায়দৰো আছে বুলি জম্মু আৰু কাশ্মীৰ আৰক্ষীয়ে জনাইছে । আন দুই নিহতৰ নাম আলতাফ বাট আৰু মুদাছিৰ গুল । আলতাফ সেই বাণিজ্যিক ভৱনৰ স্বত্বাধিকাৰী । তেওঁৰ সেই ভৱনত এটা দপ্তৰ আছিল । মুদাছিৰ দন্তচিকিৎসক আৰু ব্যৱসায়ী । হায়দৰপোৰাৰ সেই ভৱনত তেওঁ এটা ‘কম্পিউটাৰ চেন্টাৰ’ চলাইছিল । প্রথমে তেওঁলোকক সন্ত্ৰাসবাদী গোষ্ঠীৰ সহযোগী হিচাপে চিহ্নিত কৰিলেও পাছত জম্মু আৰু কাশ্মীৰ আৰক্ষীৰ তৰফৰ পৰা জনোৱা হয় গুলিযুদ্ধৰ মাজত পৰি এই দুই নাগৰিকৰ মৃত্যু হৈছে ।
A magisterial inquiry by officer of ADM rank has been ordered in Hyderpora encounter.Govt will take suitable action as soon as report is submitted in a time-bound manner.JK admin reiterates commitment of protecting lives of innocent civilians&it will ensure there is no injustice.
— Office of LG J&K (@OfficeOfLGJandK) November 18, 2021
আলতাফ আৰু মুদাছিৰৰ পৰিয়ালৰ সদস্যসকলে ঘটনাৰ নিৰপেক্ষ তদন্তৰ দাবীত অৱস্থান ধৰ্মঘট কৰিব বিচাৰিলেও আৰক্ষীয়ে বাধা প্ৰদান কৰে । জম্মু আৰু কাশ্মীৰৰ প্রাক্তন মুখ্যমন্ত্রী তথা পিডিপি নেত্রী মেহবুবা মুফতিয়ে নিহতসকলৰ পৰিয়ালক দেখা কৰিবলৈ যোৱাৰ পাছত তেওঁক গৃহবন্দী কৰা হয় বুলি অভিযোগ । জম্মু আৰু কাশ্মীৰৰ আন এক প্রাক্তন মুখ্যমন্ত্রী তথা নেচনেল কনফাৰেন্সৰ নেতা ওমৰ আবদুল্লাই এই ঘটনাৰ প্রতিবাদ কৰে ।
উল্লেখ্য, চাকৰিত পদোন্নতি আৰু বাহ বাহ পোৱাৰ লোভত নিৰীহ গাঁওবাসীক সন্ত্ৰাসবাদী আখ্যা দি হত্যা কৰাৰ অভিযোগ নিৰাপত্তাবাহিনীৰ বিৰুদ্ধে আগতেও উঠিছে উপত্যকাত । চলিত বৰ্ষৰ জানুৱাৰীটো শ্রীনগৰত তিনি নিৰীহ যুৱকক সংঘর্ষে ৰূপ দি হত্যা কৰাৰ অভিযোগ উঠিত্থাপিত হৈছিল আৰক্ষীৰ বিৰুদ্ধে ।
