এনটিপিচি, বঙাইগাঁৱে কোকৰাঝাৰৰ সকলো লোককে অন্তৰ্ভুক্তকৰণেৰে সামগ্ৰিক ভাৱে ইয়াৰ সাত দিনীয়া শক্তি সংৰক্ষণ সজাগতা সপ্তাহৰ সামৰণি মাৰে। শক্তি দক্ষতা ব্যৱস্থাপনা গোটে ইয়াৰ সকলো অভ্যন্তৰীণ আৰু বাহ্যিক অংশীদাৰক অন্তৰ্ভুক্ত কৰি শক্তি সংৰক্ষণ সপ্তাহ অনুষ্ঠিত কৰিছিল। ২০২১ ৰ আঠ ডিচেম্বৰৰ পৰা ইয়াৰ আৰম্ভ হৈছিল আৰু আজি ১৪ ডিচেম্বৰত পৰিসমাপ্তি ঘটে।
এনটিপিচি, বঙাইগাঁৱে ইয়াৰ কৰ্মচাৰীসকলৰ মাজত ৱাকাথনৰে সপ্তাহটো আৰম্ভ কৰিছিল। ইয়াৰ ফ্লেগ অফ কৰে এনটিপিচি, বঙাইগাঁৱৰ ইডি শ্ৰী সুব্ৰত মণ্ডলে। জিএম (অ’এণ্ডএম) টি. ৰবিন্দৰ, জিএম (এফএম আৰু তত্বাৱধান) শ্ৰী উমেশ সিং, জিএম (সুৰক্ষা) শ্ৰী ডি.পি. পাত্ৰ, জিএম (সুৰক্ষা) শ্ৰী অমিতাভ সাহা আৰু ষ্টেচনটোৰ জ্যেষ্ঠ বিষয়াসকল উপস্থিত থাকে।
পাছত প্ৰকল্পটোৰ ভিন্ন স্থানত শক্তি সংৰক্ষণৰ সংকল্প পাঠ কৰোৱা হয়। কোকৰাঝাৰৰ ভিন্ন মহাবিদ্যালয়ত শক্তি সংৰক্ষণ সপ্তাহ উপলক্ষে বিভিন্ন প্ৰতিযোগিতা অনুষ্ঠিত কৰা যায়। চিআইটি কোকৰাঝাৰ, চালাকাটি উচ্চ মাধ্যমিক বিদ্যালয় আৰু জুনিয়ৰ কলেজ, কোকৰাঝাৰ বিজ্ঞান মহাবিদ্যালয়, বিটিপিএছ উচ্চ মাধ্যমিক বিদ্যালয়, ঢোলমাৰা উচ্চ মাধ্যমিক বিদ্যালয় আৰু সংগীত আৰু সুকুমাৰ কলা মহাবিদ্যালয়ৰ ছাত্ৰ-ছাত্ৰীসকলে এনটিপিচি, বঙাইগাঁৱে আয়োজন কৰা পেপাৰ কুইজ, প’ষ্টাৰ মেকিং, চিত্ৰাংকন আৰু শ্ল’গান প্ৰতিযোগিতাত অংশগ্ৰহণ কৰে।
এনটিপিচি, বঙাইগাঁৱৰ ৱাৰ্ডকে ধৰি স্থানীয় সমাজ আৰু কোকৰাঝাৰৰ ৫০০ৰো অধিক অংশগ্ৰহণকাৰীয়ে এই প্ৰতিযোগিতাত অংশগ্ৰহণ কৰে। সংশ্লিষ্ট শিক্ষানুষ্ঠানসমূহৰ অধ্যক্ষসকলে শ্ৰী সুশুবন দাস নেতৃত্বাধীন ইইএমজি গোট আৰু ষ্টেচনটোৰ বিষয়াসকলৰ সহযোগত বিজয়ীসকলক প্ৰমাণপত্ৰ আৰু পুৰস্কাৰ প্ৰদান কৰে। এই উদযাপনৰ প্ৰতি দিনাই ক্ষেত্ৰ কৰ্মী, চুপাৰভাইজাৰৰ লগতে বয়লাৰ হাউচকিপিং কৰ্মীসকলৰ স’তে শক্তি সংৰক্ষণ সন্দৰ্ভত উৎসাহমূলক বাৰ্তালাপ (pep talks) কৰা হয়।
এই কাৰ্য্যক্ৰমৰ অংশ হিচাপে, চিআইটি, কোকৰাঝাৰৰ সহকাৰী অধ্যাপক শ্ৰী মনোময় গোস্বামী আৰু শ্ৰী অমিত কুমাৰ দেৰদ্বাৰা ষ্টেচনটোৰ অভিযন্তাসকলৰ বাবে এক বিশেষ কাৰিকৰী অধিৱেশনৰ জৰিয়তে জল সংৰক্ষণৰ ভিন্ন দিশৰ ওপৰত আলোকপাত কৰা হয় আৰু এনটিপিচিক উপলব্ধ প্ৰাকৃতিক সম্পদ সংৰক্ষণৰ বিভিন্ন উপায় আৰু সেইবোৰৰ সৰ্বোত্তম ব্যৱহাৰ কেনেদৰে কৰিব লাগে তাৰ পৰামৰ্শ প্ৰদান কৰে। শ্ৰী টি. ৰবিন্দৰে তদুপৰি বক্তাসকলক এনটিপিচিয়ে শক্তি সংৰক্ষণৰ অৰ্থে গ্ৰহণ কৰা ভিন্ন পদক্ষেপৰাজি সন্দৰ্ভত অৱগত কৰে। এই উপলক্ষে শক্তি সংৰক্ষণ সন্দৰ্ভত এখনি অনলাইন কুইজ, শক্তি সংৰক্ষণৰ অৰ্থে পৰামৰ্শ প্ৰদান অনুষ্ঠানো অনুষ্ঠিত কৰা হয় য’ত কৰ্মচাৰীসকলৰ অংশগ্ৰহণ আছিল আশাব্যঞ্জক।
১২ ডিচেম্বৰত অনুষ্ঠিত দুই কিলোমিটাৰ আৰু পাঁচ কিলোমিটাৰ দূৰত্বৰ এক মাৰাথনত চিআইএছএফ আৰু এনটিপিচিৰ কৰ্মচাৰীসকলে ভিন্ন শ্ৰেণী যথাঃ প্ৰবীণ, শিশু, মহিলা আৰু কৰ্মচাৰীত অংশগ্ৰহণ কৰে। ষ্টেচনটোৰ জ্যেষ্ঠ বিষয়াসকলৰ উপস্থিতিত এনটিপিচি বঙাইগাঁৱৰ ইডি শ্ৰী সুব্ৰত মণ্ডলে টাউনশ্বিপৰ ভিতৰত ইয়াৰ ফ্লেগ অফ কৰে।
কৰ্মচাৰীসকলৰ মাজত ভিন্ন সজাগতা অভিযান চলোৱাৰ উপৰিও, ক্ষেত্ৰ কৰ্মী, চুপাৰভাইজাৰৰ লগতে বয়লাৰ হাউচকিপিং কৰ্মীসকলৰ স’তে শক্তি সংৰক্ষণ সন্দৰ্ভত উৎসাহমূলক বাৰ্তালাপ কৰা হয়।
এনটিপিচি, বঙাইগাঁৱে কোকৰাঝাৰৰ যুৱ প্ৰজন্মক শক্তি সংৰক্ষণৰ বিষয়ে সজাগ কৰাটো নিশ্চিত কৰে যাতে বৃহত্তৰ জনসাধাৰণৰ জৰিয়তে বাৰ্তাটোৱে ৰাষ্ট্ৰখনক অৱগত কৰাৰ বৃহত্তৰ উদ্দেশ্য পূৰণ কৰিব পাৰে। ভাৰতৰ স্বাধীনতাৰ ৭৫ বছৰৰ লগনত শক্তি সংৰক্ষণৰ এই কাৰ্য্যসূচী এক বিস্তৃত ধৰণে অনুষ্ঠিত কৰা হয়।