Silapothar Police Firing:
উত্তৰ অসমত অপৰাধীৰ বিৰুদ্ধে আৰক্ষীয়ে কঠোৰ স্থিতি গ্ৰহণ কৰি থকাৰ মাজতে বুধবাৰে অসম–অৰুণাচল সীমান্তৰ চিলাপথাৰ লিকাবালি-মিলনপুৰত আৰক্ষীৰ গুলীত আহত হয় এটা দুৰ্ধৰ্ষ ডকাইত ৷
প্ৰাপ্ত খবৰ মতে, কিছুদি পূৰ্বে ধেমাজীৰ পৰা এখন নম্বৰবিহীন এল্ট’কৰিছিল দুৰ্বৃত্তৰ দলে। আনকি এই দলটোৱে সপ্তাহতে সংঘটিত কৰিছে বিভিন্ন ডকাইতি কাৰ্য ৷
বুধবাৰে নিশাই জোনাইৰ পৰা ডকাইতৰ দলটোৱে চুৰি কৰি এখন বাহনৰে অসম-অৰুণাচল সীমান্তৰ চিলাপথাৰৰ মিলনপুৰ দিশত গৈ থকাৰ সম্ভেদ লাভ কৰে আৰক্ষীয়ে ৷
ততাতৈয়াকৈ চিলাপথাৰ আৰক্ষী থানাৰ ভাৰপ্ৰাপ্ত বিষয়া মুহিধৰ টায়েৰ নেতৃত্বত এটি আৰক্ষীৰ দলে ডকাইতৰ দলটোক অনুকৰণ কৰি লিকাবালি মিলনপুৰত উপস্থিত হয় নিশা দুই বাজি ত্ৰিশ মিনিটত ৷ আৰক্ষী দলটোক দেখি ডকাইতৰ দলটোৱে নিৰ্বিচাৰ গুলীচালনা কৰে ৷
প্ৰত্যুত্তৰত আৰক্ষীয়ে গুলীবৰ্ষণ কৰাত এটা ডকাইতৰ ভৰিত গুলী লাগি গুৰুৰভাৱে আহত হয় ৷ আনহাতে আহত ডকাইতটোৰ আন দুই সহযোগী এন্ধাৰৰ সুযোগ লৈ পলায়ন কৰে ৷
আহত ডকাইতটোৰ নাম লখিন্দ্ৰ বাছফৰ (২৮) বুলি আৰক্ষীয়ে চিনাক্ত কৰিছে ৷ আৰক্ষীয়ে পলাতক ডকাইত দুটাৰ সন্ধানত অভিযান অব্যাহত ৰাখিছে ৷
