Aap District President joins Raijar Dal:
আপত খহনীয়া । আপৰ শোণিতপুৰ জিলাৰ সভাপতিসহ জিলাখনৰ ৰঙাপাৰা সমষ্টি সমিতি, ঢেকীয়াজুলি সমষ্টি সমিতি আৰু বৰছলা সমষ্টি সমিতিৰ সভাপতি সকলকে ধৰি প্ৰায় সকলো নেতৃত্বই আজি ৰাইজৰ দলত যোগদান কৰে।
ADVERTISEMENT
তেজপুৰৰ বিহগুৰিৰ কৰ্মবীৰ চন্দ্ৰনাথ শৰ্মা প্ৰেক্ষাগৃহত অনুষ্ঠিত ৰাইজৰ দলৰ যোগদান সমাৰোহত আম আদমী পাৰ্টিৰ শোণিতপুৰ জিলাৰ সভাপতি ধনেশ্বৰ দাস, উপ -সভাপতি দেৱেন ভেংৰা, ৰঙাপাৰা বিধান সভা সমষ্টিৰ সভাপতি অনুপম শইকীয়া, ঢেকীয়াজুলি সমষ্টি সমিতিৰ সভাপতি বিবেক বৰা, বৰছলা সমষ্টি সমিতিৰ সভাপতি তুলসী নাথ, সা:সম্পাদক বাতু শইকীয়া, ৰঙাপাৰা সমষ্টি সমিতিৰ সা:সম্পাদক আব্দুল কাদিৰসহ শতাধিক আপৰ নেতা-কৰ্মীয়ে আজি ৰাইজৰ দলত যোগদান কৰে। যোগদান সমাৱেশত ৰাইজৰ দলৰ সভাপতি অখিল গগৈ ,সাধাৰণ সম্পাদক অলক নাথ, মেডিয়া পেনেলিষ্ট হিমাংশু গগৈ সহ কে’বাজনো নেতা উপস্থিত আছিল।