Leopard Entry In Kahilipara:মহানগৰীত পুনৰ বাঘৰ আতংক

Leopard Entry In Kahilipara:

মহানগৰীত পুনৰ বাঘৰ আতংক ৷ এইবাৰ স্থান কাহিলীপাৰাৰ শান্তিনগৰ ৷ অঞ্চলটোৰ এঘৰ লোকৰ চৌহদত নিশা প্ৰকাণ্ড নাহৰফুটুকীয়ে প্ৰৱেশ কৰি বিচৰণ কৰাৰ দৃশ্য বন্দী হয় চিচিটিভি কেমেৰাত ৷

বনৰজাৰ বিচৰণৰ দৃশ্য প্ৰত্যক্ষ কৰাৰ পিছতে আতংকিত হৈ পৰিছে কাহিলীপাৰাৰ শান্তিনগৰবাসী ৷ ইতিমধ্যে স্থানীয় লোকৰ খবৰৰ ভিত্তিত ঘটনাস্থলীত বন বিভাগৰ লোক উপস্থিত হৈ পৰ্যবেক্ষণ কৰিছে বনৰজাৰ উপস্থিতি ৷ নাহৰফুটুকীৰ মুকলি বিচৰণত আতংকিত শান্তিনগৰবাসী এতিয়া ফুট গধুলীতে নিজ বাসগৃহতে আবদ্ধ হৈ থকাৰ পৰিস্থিতি সৃষ্টি হৈছে ৷