Union Home Minister Amit Shah:গৃহমন্ত্ৰীৰ দ্বাৰা উদ্বোধন নতুনকৈ নিৰ্মাণ কৰা ৰাজভৱনৰ ব্ৰহ্মপুত্ৰ উইং

শুকুৰবাৰে দেশৰ গৃহমন্ত্ৰী অমিত শ্বাহে গুৱাহাটীত উদ্বোধন কৰিলে অসমৰ ৰাজ্যপালৰ নৱনিৰ্মীত আৱাস গৃহ ৰাজভৱনৰ ব্ৰহ্মপুত্ৰ উইং ৷ এই উপলক্ষে ৰাজভৱনৰ চৌহদত আয়োজিত গাম্ভীৰ্যপূৰ্ণ সভাতে গৃহমন্ত্ৰী গৰাকীয়ে দেৰগাঁওস্থিত লাচিত বৰফুকন পুলিচ একাডেমিত ৰাষ্ট্ৰীয় চাইবাৰ ফৰেনছিক গৱেষণাগাৰ- উত্তৰ- পূবৰো ভাছুৰ্য়েলী উদ্বোধন কৰাৰ উপৰিও সোনাপুৰস্থি সশস্ত্ৰ সীমা বলৰ নৱ নিৰ্মিত আৱাসীক চৌহদ,যোৰহাটস্থ আইটিবিপিৰ নৱ নিৰ্মিত চিকিৎসালয় কেন্দ্ৰৰো উদ্বোধন কৰে ৷

সভা খনত উপস্থিত থাকে ৰাজ্যপাল লক্ষ্মণ প্ৰসাদ আৰ্চায,তদানীন্তন ৰাজ্যপাল জগদীশ মুখী,বানাৰীলাল পুৰোহিত,গুলাবচান্দ কাটাৰীয়া ,মুখ্যমন্ত্ৰী ড:হিমন্ত বিশ্ব শৰ্মা কেন্দ্ৰীয় মন্ত্ৰী সৰ্বানন্দ সোনোৱাল ,ৰাজ্যৰ সাধাৰণ প্ৰশাসন বিভাগৰ মন্ত্ৰী ৰনজিৎ কুমাৰ দাস, মুখ্যসচিব ড:ৰবি কোটা সহ আন আন মন্ত্ৰী- বিধায়ক সাংসদ সহ গণ্যমান্য ব্যক্তি উপস্থিত থাকে ৷

উল্লেখ্য যে ,লাচিত বৰফুকন পুলিচ একাডেমিৰ চৌহদত ৪৫ কোটি টকা ব্যয় সাপেক্ষে গঢ়ি উঠা ৰাষ্ট্ৰীয় চাইবাৰ ফৰেনছিক গৱেষণাগাৰটো উত্তৰ-পূৰ্বাঞ্চলৰ আঠ ৰাজ্যৰ বাবে বিস্তৃতভাবে ডিজিটেল অনুসন্ধানৰ সুবিধা প্রদান কৰা হৈছে ৷একেদৰে আধুনিক ফৰেনছিক পদ্ধতিৰ জৰিয়তে আইন প্রয়োগৰ ক্ষমতা শক্তিশালীকৰণ, উত্তৰ-পূৰ্বাঞ্চলৰ আৰক্ষী বিষয়াসকলৰ বাবে প্ৰশিক্ষণ কেন্দ্ৰ হিচাপে ভূমিকা গ্রহণ কৰিব গৱেষণাৰটোৱে।

আনহাতে ৯,৬১৩ বর্গফুট এলেকা সামৰি ৪১কোটি ৩১লাখ ৫১ হাজাৰ টকা ব্যয়ৰে মহানগৰীৰ লুইতৰ পাৰত নতুনকৈ নিৰ্মাণ কৰা ৰাজভৱনৰ ব্ৰহ্মপুত্ৰ উইঙত সংযোজিত হৈছে ৰাজ্যপালৰ কাৰ্যালয়,অতিৰিক্ত আয়ুক্তৰ কাৰ্যালয়, প্ৰধান ব্যক্তিগত সচিবৰ কাৰ্যালয়,সন্মিলন কক্ষ,অপেক্ষা কক্ষ,গৰ্ভৰ্ণছ ছুইট,প্ৰেছিডেন্সীয়েল ছুইট আৰু অত্যাধুনিক পুথিভঁৰালৰ লগতে গুৰুজনাৰ কিছু সৃষ্টিৰাজিৰ আভাস ৷