CID HQ:
জুবিন গাৰ্গৰ হত্যাৰ অভিযোগৰ অন্তৰালত ব্যাপক বিত্তীয় অনিয়মৰ কাৰণো জড়িত থকা বুলি গভীৰ সন্দেহ কৰিছে তদন্তকাৰী এছআইটিয়ে। জুবিনৰ মেনেজাৰ সিদ্ধার্থ শৰ্মালৈ এই অভিযোগৰ আঙুলিও উঠিছে। এনে সময়তে অৱশেষত দীর্ঘদিনীয়া চৰ্চাৰ অন্তত প্রয়াত শিল্পীগৰাকীৰ পূৰ্বৰ মেনেজাৰ তাৰছেম মিটালক সোধপোছৰ বাবে এছআইটিয়ে তলব কৰাৰ পিছত শুকুৰবাৰে পুৱাভাগত চিআইডি হেড কোৱাৰ্টাৰত উপস্থিত হয় জুবিন গাৰ্গৰ প্ৰাক্তন মেনেজাৰজন ৷
উল্লেখ্য যে মিটালক আজি চিআইডিৰ কাৰ্যালয়ত হাজিৰ হ’বলৈ বৃহস্পতিবাৰে জাননী দিয়া হৈছিল। এই মিট্রালেই সিদ্ধার্থ শর্মাক নিযুক্তি দিছিল।
তাৎপর্যপূর্ণ যে জুবিন গাৰ্গৰ ৰহস্যজনক মৃত্যুৰ ইমান দিনলৈকে বহু বিতর্কিত মিট্রালক এছআইটিয়ে তলব নকৰাক লৈ ব্যাপক চর্চা চলি আহিছে। ইপিনে, অসমবাসীৰ হিয়াৰ আমঠু শিল্পীগৰাকীৰ অসুস্থতাৰ সুযোগ লৈ তেওঁক মৃত্যুৰ মুখলৈ কৌশলপূর্ণভাবে ঠেলি দিয়াৰ যি গাঢ় সন্দেহ তদন্তকাৰী এছআইটিয়ে কৰিছে, তাৰ অন্তৰালত বিত্তীয় অনিয়মৰ কাৰণ থকাৰো সম্ভৱনা পৰিলক্ষিত হৈছে।
সিদ্ধাৰ্থৰ গুৱাহাটীৰ ফ্লেটৰ পৰা এছআইটিয়ে এখন বিশেষ নোটবুক উদ্ধাৰ কৰিছিল। সেই নোটবুকখন আছিল গুৱাহাটী চিকিৎসা মহাবিদ্যালয় হাস্পতাল বার্ডবয় দীপু কৰ্মকাৰৰ। সেই অনুসৰি, এছআইটিয়ে বার্ডবয়জনৰ লগত কথা পতাত তথ্য লাভ কৰে যে যোৱা বছৰৰ ডিচেম্বৰত সিদ্ধার্থই তেওঁৰ পৰা সেইখন লৈ গৈছিল। একপ্ৰকাৰ বলপূর্বকভাৱে সিদ্ধার্থই কৰ্মকাৰৰ পৰা নোটবুকখন নি নিজৰ জিম্মাত ৰাখিছিল।
বৃহস্পতিবাৰে এছআইটিয়ে কৰ্মকাৰক সোধপোছ কৰে। প্ৰায় পাঁচ ঘণ্টা ধৰি সোধপোছ কৰাত সিদ্ধার্থই জুবিন গাৰ্গক চৰম প্ৰতাৰণাৰে তেওঁৰ মহানুভৱতাকো অংগুষ্ঠ দেখুৱাইছিল। কৰ্মকাৰে এছআইটিক জনায় যে সেই নোটবুকখনত ২৮৮ জন ৰোগীৰ নাম আৰু চিকিৎসাৰ তথ্য আছে। সেই ৰোগীবোৰৰ চিকিৎসা ব্যয় জুবিনে বহন কৰিছিল। সেই ধনৰে ৩০ শতাংশ পর্যন্ত কমিছন হিচাপত কাঢ়ি ৰাখিছিল সিদ্ধার্থই। সেই কামো বলপূর্বকভাৱে কৰিছিল। তাৰ ফলত বিপাঙত পৰিছিল ৰোগী আৰু ৰোগীৰ অভিভাৱকসকল। কৰ্মকাৰে এছআইটিক জনায় যে জুবিন গার্গে বহু লোকক চিকিৎসা কৰাইছিল। ইয়াৰ ভিতৰত বহু জটিল ৰোগীও আছিল। সেই সকলোৱেই অতি দুখীয়া তথা আর্থিকভাৱে পিছপৰা।
বৃহস্পতিবাৰে কৰ্মকাৰে এছআইটিক জনায় যে প্রয়াত শিল্পীগৰাকীৰ লগত তেওঁৰ ঘনিষ্ঠতা আছিল। কোনো লোকে চিকিৎসা সাহায্য বিচাৰি জুবিনৰ কাষ চাপিলে তেওঁ এটা নোট লিখি জিএমচিএইছলৈ পঠিয়াই দিছিল আৰু কৰ্মকাৰক লগ ধৰিবলৈ পৰামৰ্শ দিছিল। সেই মতে মানুহবোৰক কৰ্মকাৰে জিএমচি এইছত চিকিৎসাৰ ব্যৱস্থা কৰি দিছিল। চিকিৎসাৰ লগতে ঔষধ-পাতিসহ যিমান ব্যয় হৈছিল তাৰ নথিপত্ৰ মানুহবোৰে সিদ্ধার্থক জমা দিছিল। তাৰ পাছত মানুহবোৰক চিকিৎসাৰ বাবদ হোৱা ব্যয় জুবিনৰ হৈ সিদ্ধার্থই আদায় দিছিল। মানুহবোৰক তেনেদৰে সহায় কৰিবলৈ জুবিনে সিদ্ধার্থক আগতীয়াকৈ কৈ থৈছিল। চিকিৎসা ব্যয় আদায় দিয়াৰ সময়তে সিদ্ধার্থই ১০ৰ পৰা ৩০ শতাংশ পর্যন্ত ধন বলপূর্বকভাবে কাটি ৰাখিছিল; অথচ এই বিষয়ে জুবিন জ্ঞাত নাহিল।
কৰ্মকাৰে এছআইটিক এই বুলিও ভাব্য প্রদান কৰে যে সিদ্ধার্থই ধন আদায় দিয়াৰ পাছত বহু মানুহক তেওঁ লগ পাইছিল। মানুহবোৰে নিজে আহিও তেওঁক লগ কৰিছিল আৰু চিকিৎসা ব্যয়ৰ নামত আদায় দিয়া ধনৰ অংশ সিদ্ধার্থই কাটি বখা বুলি অভিযোগ কৰিছিল। এনেদৰে ধনৰ অংশ কাটি বখাত দুখীয়া-দৰিদ্ৰ ৰোগীসকল পৰৱৰ্তী সময়ত বিপাঙত পৰিছিল। বিশেষকৈ ঔষধ ক্ৰয় কৰাৰ ক্ষেত্রত বহু বোগী হঠাৎ বিপদত পৰাৰ ঘটনাও ঘটিছিল। এছআইটিয়ে লাভ কৰা তথ্য অনুসবি, মেনেজাৰ সিদ্ধার্থই সংঘটিত কৰা তেনে কাণ্ডৰ বিষয়ে জুবিন জ্ঞাত নাছিল; কিন্তু পাছলৈ কথাবোৰ তেওঁ গম পাইছিল বুলি তদন্তকাৰী দল প্রায় নিশ্চিত হৈছে। এনেদৰে কমিছন আদায় কৰি সিদ্ধার্থই বৃহৎ পৰিমাণৰ ধন আত্মসাৎ কৰাৰ তথ্য এছআইটিয়ে লাভ কৰিছে।
উল্লেখ্য যে জুবিনৰ মহানুভৱতাক তেনেদৰে ভৰিৰে মোহাৰি পেলোৱা সিদ্ধাৰ্থৰ বিৰুদ্ধে বিত্তীয় অনিয়মৰ বহু তথ্য ইতিমধ্যে পোহৰলৈ আহিছে। অসুস্থ জুবিনক ব্যৱহাৰ কৰি কেৱল মাত্ৰ নিজৰ তহবিল বৃদ্ধি কৰাতহে সিদ্ধার্থই গুৰুত্ব দিছিল। সিদ্ধার্থৰ এনে কাণ্ডৰ লগত আৰু কোন কোন জড়িত আছে, সেই তদন্তও এছআইটিয়ে অব্যাহত ৰাখিছে।
