Finland:✒️হাতত থকা ম’বাইল ফোনটোত সংযুক্ত ইণ্টাৰনেটে আপোনাক জাবৰ দিনত উমো দিব পাৰে বুলি বিশ্বাস কৰেনে? কেতিয়াবা ভাবি চাইছেনে যে কেৱল সামাজিক মাধ্যম বা দেশ-বিদেশৰ খা-খবৰ বা আন কোনো তথ্য যোগানতে ইণ্টাৰনেটৰ কাম সীমাবদ্ধ থকা নাই। বহুতে বিশ্বাস কৰিবলৈ টান পালেও সত্য যে ইণ্টাৰনেটে ফিনলেণ্ডৰ এখন চহৰ উমাল কৰি ৰাখিছে।
মণ্টছালা চহৰত বছৰটোৰ অধিক সময় ঠেৰেঙা লগা জাৰ পৰে। তাপমাত্রা শূন্য ডিগ্রী চেলচিয়াছৰ তললৈ নামে। তৎসত্ত্বেও এনে হাৰ কঁপোৱা শীত বিশেষ অনুভৱ নকৰে চহৰখনৰ বাসিন্দাসকলে। এই চহৰৰ বাসিন্দাৰ সংখ্যা এক লাখ।
দৰাচলতে চহৰখনক প্ৰচণ্ড ঠাণ্ডাৰ পৰা ৰক্ষা কৰে ৭৫ মেগাৱাটৰ এটা ইণ্টাৰনেট ডেটা চেণ্টাৰে। ডেটা প্ৰক্ৰিয়াকৰণৰ সময়ত এই কেন্দ্ৰৰ পৰা তাপ বাহিৰ হয়। এই তাপে চহৰখন গৰম কৰি ৰাখে। ফলত চহৰবাসীয়ে শুকুলা বৰফৰ মাজত থাকিলেও বিশেষ ঠাণ্ডা অনুভৱ নকৰে।
হাড় কঁপোৱা জাৰৰ দিনত চহৰখনৰ লোকসকলক প্রচণ্ড শীতৰ পৰা ৰক্ষা কৰাৰ উদ্দেশ্যে ফিনলেও চৰকাৰে এই ইণ্টাৰনেট ডেটা চেণ্টাৰ স্থাপন কৰে। ইয়াত উৎপাদিত বিদ্যুৎ পাইপেৰে চহৰবাসীৰ ঘৰলৈ যোগান ধৰা হয়। ডেটা কেন্দ্রটোৱে তাপ শোষণ কৰে।
এই তাপৰ পৰাই বিদ্যুৎ উৎপাদন কৰা হয় অৱশ্যে এই সমগ্র প্ৰক্ৰিয়াৰ বিষয়ে চহৰবাসী সম্পূৰ্ণৰূপে অৱগত নহয়। তৎসত্ত্বেও তেওঁলোকে মানি লয় যে মনোৰঞ্জনমূলক কামত বা তথ্য সংগ্ৰহৰ কামতে ব্যৱহাৰ কৰা নহয়। ইয়াক বিদ্যুৎ উৎপাদনৰ কামতো ব্যৱহাৰ কৰিব পাৰি। ফিনলেণ্ডত মাইক্র’ছফটৰ এলানি ডেটা চেণ্টাৰ আছে।
শেহতীয়াভাবে ফ’ৰ্টাম নামৰ এটা প্ৰতিষ্ঠানৰ স’তে অংশীদাৰিত্বৰ স’তে মাইক্র’ছফটে দেশখনত বিশ্বৰ সৰ্ববৃহৎ তাপ পুনৰ চক্ৰীকৰণ ডেটা কেন্দ্রও স্থাপনৰ কামো আৰম্ভ কৰিছে। এই কেন্দ্ৰত কাম আৰম্ভ হ’লে ইয়াৰ পৰা দেশখনৰ কেতবোৰ অঞ্চলত তাপ যোগান সম্ভৱ হ’ব। এই ডেটা কেন্দ্ৰই ক্ষতিকাৰক কাৰ্বন নির্গমনো হ্রাস কৰিব।
এক তথ্য অনুসৰি কেন্দ্ৰটোৰ কাম-কাজ আৰম্ভ হ’লে কার্বন নির্গমনৰ পৰিমাণ চাৰি লাখ টন হ্রাস পাব। ইয়াৰ সমান্তৰালভাৱে এই কেন্দ্ৰৰ দ্বাৰা এক লাখ গৃহস্থৰ ঘৰো লাভান্বিত হ’ব। কাৰণ আৱৰ্জনাৰ পৰা এই কেন্দ্ৰই তাপ উৎপাদন কৰিব আৰু তাপৰ জৰিয়তে এক লাখ লোকৰ ঘৰলৈ বিদ্যুৎ যোগান ধৰিব পৰা হ’ব।
শেহতীয়াভাবে মাইক্র’ছফটক এই ক্ষেত্রত অনুকৰণ কৰিছে গুগল প্রতিষ্ঠানেও। ইতিমধ্যে গুগলে আৱৰ্জনাৰ পৰা তাপ উৎপাদন কৰা এটা কেন্দ্ৰ স্থাপন কৰিছে। ২০০৯ৰ পৰা গুগলৰ এই কেন্দ্ৰই আৱৰ্জনাৰ পৰা তাপ উৎপাদন কৰি আছে। এই কেন্দ্ৰ ফিনলেণ্ডৰ হেমিনাত আছে। গতিকে দেশখন ডিজিটেল অৰ্থনীতিৰ দ্বাৰা প্ৰচুৰ লাভান্বিত হৈছে। অর্থাৎ জাৰৰ দিনত ৰক্ষা পোৱাৰ উপায় দিছে ডিজিটেল অর্থনীতিয়ে। এনে ডেটা কেন্দ্ৰৰ পৰা বিভিন্নজনৰ ঘৰলৈ বিদ্যুৎ প্ৰেৰণ কৰা হয়।