TAYPA Pressmeet:
ছয় জনজাতিকৰণক লৈ মুখ্যমন্ত্ৰী ড:হিমন্ত বিশ্ব শৰ্মাই শেহতীয়াকৈ কৰা এক মন্তব্যক লৈ সোচ্ছাৰ হৈ পৰে টাইপা। মুখ্যমন্ত্ৰী মন্তব্যক উভতি ধৰি বুধবাৰে মৰাণত টাইপাই সংবাদমেল আয়োজন কৰি সিদ্ধান্ত বিচৰা সংগঠনকেইটাৰ কথা ৰাজহুৱা কৰাৰ দাবী টাইপা সভাপতি বিজয় ৰাজকোঁৱৰৰৰ ৷
সংবাদমেলত টাইপাৰ সভাপতি গৰাকীয়ে কয়,জনজাতিকৰণৰ আন্দোলন কেৱল সংগঠনে কৰা নাছিল । ছয় জনগোষ্ঠীৰ লাখ লাখ ৰাইজে এই প্ৰতিবাদ কৰিছিল । ৰাইজৰ হৈ দালালি কৰা দল- সংগঠন সাৱধান হওক ৷ জনজাতিকৰণৰ প্ৰতিবেদন দাখিল কৰা সময়ত যি সকলে ফটকা ফুটাই আনন্দ উল্লাস কৰিছিল, সেই সকলে উত্তৰ দিব লাগিব ।
সভাপতি গৰাকীয়ে কয়, ২০২৬ ৰ নিৰ্বাচনৰ আগত জনজাতিকৰণ নিদিলে উজনিৰ ২৫ টা আহোম অধ্যুষিত সমষ্টিত নিৰ্বাচনত বাধা দিয়াৰ লগতে জংগী আন্দোলন গঢ়ি তুলিব টাইপাই ৷গৃহমন্ত্ৰী অমৃত শ্বাহক অসম আগমনৰ দিনা প্ৰতিবাদ কৰি বাধা দিব টাইপাই ৷
উল্লেখযোগ্য যে মুখ্যমন্ত্ৰী ড: হিমন্ত বিশ্ব শৰ্মাই ছয় জনগোষ্ঠীয়ে নিৰ্বাচনৰ আগত জনজাতিকৰণ বিচৰা নাছিল, সিদ্ধান্তহে বিচাৰিছিল বুলি মন্তব্য কৰিছিল ।
