Guwahati :
মহানগৰীৰ জয়ানগৰত চাঞ্চল্যকৰ ঘটনা ৷ ইন্দ্ৰপ্ৰস্থ এপাৰ্টমেণ্টৰ ১০৪নং ফ্লেটত উদ্ধাৰ হয় এজন যুৱকৰ মৃতদেহ। ঘটনা খবৰ লাভ কৰাৰ পিছতে বশিষ্ঠ আৰক্ষী সহ দণ্ডাধীশ আৰু ফৰেনছিক দল উপস্থিত হৈ আৰম্ভ কৰিছে প্ৰাৰম্ভিক তদন্ত। ইতিমধ্যে মৃত যুৱকজনৰ পৰিচয় শিৱসাগৰৰ মৰিয়ান চেতিয়া বুলি চিনাক্ত কৰিছে আৰক্ষীয়ে ৷
ADVERTISEMENT
আনহাতে আৰক্ষীয়ে প্ৰাৰম্ভিক তদন্তত লাভ কৰা তথ্যানুসৰি বৃহস্পতিবাৰে নিশা ইন্দ্ৰপ্ৰস্থ এপাৰ্টমেণ্টৰ ১০৪নং ফ্লেটত থকা দুই বন্ধুৰ ওচৰলৈ আহিছিল যুৱকজন ৷ আনকি দুই যুৱকে বাহনৰে কে’বাবাৰো ওলোৱা- সোমোৱা কৰিছিল এপাৰ্টমেণ্টৰ পৰা। এই দৃশ্য প্ৰত্যক্ষ কৰিছিল এপাৰ্টমেণ্টৰ নিৰাপত্তাৰক্ষীয়ে। আৰক্ষীৰ ওচৰত ইতিমধ্যে এই ভাষ্য প্ৰদান কৰে নিৰাপত্তাৰক্ষীয়ে ৷
