Akhil Gogoi Election Campign In Digboi:
দৈনিক অগ্ৰদূত ডিজিটেল ডেক্স:–ৰাজ্যৰ বিধানসভা নিৰ্বাচনৰ প্ৰচাৰাভিযান সমাপ্ত হ’বলৈ মাজত মাত্ৰ ছদিন থকা অৱস্থাত শাসক- বিৰোধী সকলো দলে অব্যাহত ৰাখিছে মাৰাথন প্ৰচাৰাভিযান । নিৰ্বাচনত ৰাজ্যবাসীৰ বাবে কেন্দ্ৰবিন্দু হৈ পৰিছে ঐতিহ্যমণ্ডিত শিৱসাগৰ।সমষ্টিটোত অত্যতম প্ৰতিদ্বন্দ্বি হৈছে ৰাইজৰ দলৰ প্ৰাৰ্থী অখিল গগৈ,বিজেপিৰ কুশল দুৱৰী আৰু অগপৰ প্ৰদীপ হাজৰিকা ৷
বিজেপি মিত্ৰজোঁটৰ অংশীদাৰ অগপই মিত্ৰতা সূত্ৰে আমগুৰিৰ বিধায়ক প্ৰদীপ হাজৰিকাক শিৱসাগৰৰ প্ৰাৰ্থী ৰূপে প্ৰক্ষেপ কৰাৰ পিছতো মনোনয়ন দাখিলৰ শেষ মুহূৰ্ততে কৌশলগতভাৱে থাউৰাৰ প্ৰাক্তন বিজেপিৰ বিধায়ক কুশল দুৱৰীক অৱতীৰ্ণ কৰায় বিজেপিয়ে ৷ দুৱৰীক প্ৰাৰ্থীত্ব প্ৰদানৰ পিছৰে পৰা তেওঁৰ টাৰ্গেট কৰি লয় অখিল গগৈয়ে ৷ আলফাত থকা সময়ত বহু লোকক হত্যা কৰা বুলি অভিযোগ কৰি শিৱসাগৰৰ ৰাজনৈতিক বতাহ গৰম কৰি ৰখা অখিলৰ বিৰুদ্ধেও সৰৱ হৈ পৰে দুৱৰী ৷ এনেদৰে দুই প্ৰাৰ্থীয়ে ইজনে – সিজনক আক্ৰমণ কৰি থকাৰ মাজতে কুশল দুৱৰীয়ে অখিল গগৈৰ বিৰুদ্ধে মানহানি গোচৰ তৰে শিৱসাগৰ আদালতত ৷
যাৰবাবে পুনৰ সোচ্ছাৰ হৈ ৰাইজৰ দলৰ সভাপতি গৰাকীয়ে কয়, যি মানুহে ৬১ জন মানুহক হত্যা কৰিলে, তেওঁৰ কি মান আছে। কুশল দুৱৰী হত্যাকাৰী , আমাৰ চৰকাৰ আহিলে জে’লত ভৰাই থোৱা হব।
আনহাতে জুবিন গাৰ্গক ন্যায় প্ৰদান কৰিবলৈ মুখ্যমন্ত্ৰীয়ে বিচৰা নাই বুলিও অভিযোগ কৰে অখিল গগৈয়ে। অভিযুক্ত সকলক ৰাজ আতিথ্য দি থৈছে, নিৰ্বাচনৰ পাছত মুকলি কৰি দিব I স্থানীয় বিধায়ক সুৰেন ফুকনকো সমালোচনা অখিলৰ। ৰাইজৰ দলৰ ডিগবৈৰ প্ৰাৰ্থী দুলাল মৰাণৰ হৈ নিৰ্বাচনী সভাত ভাগ লৈ বিজেপি চৰকাৰৰ বিৰুদ্ধে সৰৱ অখিল গগৈ।