Election violence in Samaguri:
দৈনিক অগ্ৰদূত ডিজিটেল ডেক্স:–ৰাজ্যৰ বিধানসভা নিৰ্বাচনৰ দিন চমু চাপি অহাৰ লগে লগে সকলো ৰাজনৈতিক দলৰ নিৰ্বাচনী প্ৰচাৰ তুংগত হোৱাৰ মাজতে কেতবোৰ সমষ্টি বৃদ্ধি পাইছে নিৰ্বাচন কেন্দ্ৰীক হিংসা ৷ বিশেষকৈ ৰাজ্যবাসীৰ বাবে বিশেষ কেন্দ্ৰবিন্দু হৈ পৰা নগাঁৱৰ চামগুৰিত ইটোৰ পিছত সিটোকৈ সংঘটিত হৈছে নিৰ্বাচন কেন্দ্ৰীক হিংসা ৷ কংগ্ৰেছৰ জ্যেষ্ঠ নেতা তথা ধুবুৰীৰ সাংসদ ৰকিবুল হুছেইনৰ দুৰ্গ হিচাপে পৰিচিত চামগুৰিত ৰকিবুল তনয় তাঞ্জিল হুছেইনে পুনৰ দলীয় টিকট লাভ কৰাৰ পিছত নিৰ্বাচনী প্ৰচাৰাভিযান তীব্ৰতৰ কৰি তুলিছে ৰকিবুল হুছেইন ৷ পিছ পৰি থকা নাই বিজেপি প্ৰাৰ্থী অনিল শইকীয়া ৷ দিনে- নিশাই শইকীয়াও চলাই গৈছে প্ৰচাৰ সভা ৷
শাসক- বিৰোধীৰ এলে মাৰাথন প্ৰচাৰৰ মাজতে চামগুৰি সমষ্টিত দুদিন মানৰ পূৰ্বে নিৰ্বাচনী হিংসা সংঘটিত হৈছিল ৷ কংগ্ৰেছ কৰ্মীয়ে বিজেপিৰ নিৰ্বাচনী জ্বলাই লণ্ড-ভণ্ড কৰাৰ উত্তেজনা মাৰ নৌযাওঁতেই পুনৰ আন এক নিৰ্বাচনী হিংসা সংঘটিত হয় কাঠপাৰাত ৷ শুকুৰবাৰে নিশা দুর্বৃত্তই ভাঙি লণ্ডভণ্ড কৰিলে বিজেপিৰ নিৰ্বাচনী কার্যালয়। বেনাৰ-পোষ্টাৰ চিঙাৰ লগতে কাৰ্যালয়ৰ আচবাব ভাঙি পেলাই ৷ কংগ্রেছ কর্মীয়ে নিশা কার্যলয়টো ভঙাৰ অভিযোগ উদ্থাপন কৰে বিজেপিয়ে ৷ ইতিমধ্যে ঘটনা সন্দৰ্ভত বিজেপিয়ে চামগুৰি থানাত এজাহাৰ দাখিল কৰিছে ৷ চামগুৰিত সঘনাই সংঘটিত নিৰ্বাচন কেন্দ্ৰীক হিংসাক মোকাবিলা কৰিবৰ বাবে তৎপৰ হৈ পৰিছে আৰক্ষী – অৰ্ধ সামৰিক বাহিনী ৷