Cm Himanta Viswa Sarma:
দৈনিক অগ্ৰদূত ডিজিটেল ডেক্স:-সদ্য সমাপ্ত নিৰ্বাচনত বিজেপি নেতৃত্বাধীন মিত্ৰজোঁটে বিপুল বিজয় সাব্যস্ত কৰাৰ পিছত ষষ্ঠদশ বিধানসভা গঠনৰ পথ প্ৰশস্ত কৰাৰ লক্ষ্যৰে বুধবাৰে দুপৰীয়া মুখ্যমন্ত্ৰী ড: হিমন্ত বিশ্ব শৰ্মাই লোক ভৱনত উপস্থিত হৈ ৰাজ্যপাল লক্ষ্মণ প্ৰসাদ আৰ্চাযৰ হাতত অর্পণ কৰে পদত্যাগ পত্র ৷ ইয়াৰ পিছত ৰাজ্যপালৰে মতবিনিময় কৰি মুখ্যমন্ত্ৰী গৰাকী লোক ভৱনৰ পৰা প্ৰস্থান কৰি সংবাদ মাধ্যমক সম্বোধন কৰি কয় যে , অসমত নতুন চৰকাৰ গঠনৰ বাবে সাজু হৈছেএনডিএ ৷ ইতিমধ্যে বিজেপি বিধায়িনী দলপতি নিৰ্বাচনৰ বাবে বিজেপিৰ সংসদীয় বৰ্ডে দুজনকৈ পৰ্যবেক্ষক নিযুক্তি দিছে ৷ হয়তো দুই – এদিনৰ ভিতৰত দুই পৰ্যবেক্ষক উপস্থিত হোৱাৰ পিছতে নিৰ্বাচন কৰা হ’ব বিজেপি বিধায়িনী দলপতি ৷ একেদৰে মিত্ৰজোঁটৰ অংশীদাৰ দলে অগপ আৰু বিপিএফেও নিজ নিজ বিধায়িনী দলৰ দলপতি নিৰ্বাচনৰ বাবে সাজু হৈছে ৷ তিনিও দলৰ দলপতি নিৰ্বাচনৰ পিছতে এনডিএ যৌথ বিধায়িনী দলপতি নিৰ্বাচনৰ পিছতে চৰকাৰ গঠনৰ প্ৰস্তাৱ লৈ লোকভৱনলৈ যাব এনডিএ নতুন দলপতি ৷ ১২ মে’ত শপত গ্রহণ কৰিব পাৰে অসমৰ নৱ গঠিত ভাৰতীয় জনতা পাৰ্টিৰ মিত্ৰজোঁটৰ চৰকাৰে। মুখ্যমন্ত্রীয়ে আৰু কয় যে ১১ মে’ৰ পিছতে অসমৰ নৱগঠিত চৰকাৰে শপত গ্ৰহণৰ পূৰ্ণ সম্ভাৱনা আছে। শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদী , এনডিএ শাসিত মুখ্যমন্ত্ৰী সহ কে’বাজনো কেন্দ্ৰীয় মন্ত্ৰীক আমন্ত্ৰণ কৰোৱাৰ কথা সদৰি কৰে মুখ্যমন্ত্ৰী গৰাকীয়ে ৷
উল্লেখ্য যে ধাৰাবাহিক তৃতীয়বাৰলৈ এনডিএ চৰকাৰ গঠনৰ বাবে ১০২ আসনৰ ৰায় দিছিল ৰাইজে ৷ অসমত বিজয়ৰ হেটট্ৰিক অৰ্জন কৰিছিল ভাৰতীয় জনতা পার্টি নেতৃত্বাধীন মিত্ৰজোঁটে। সদ্য সমাপ্ত নিৰ্বাচনন বিজেপিয়ে অকলেই ৮২খন আসন লাভ কৰাৰ বিপৰীতে মিত্ৰদল অসম গণ পৰিষদ আৰু বিপিএফে লাভ কৰে ১০খনকৈ আসন।
স্মতৰ্ৱ্য যে বুধবাৰে পুৱা ৰাজ্যপাল লক্ষ্মণ প্ৰসাদ আৰ্চাযক বিজয়ী ১২৬ সমষ্টিৰ বিজয়ী প্ৰাৰ্থী তালিকা আনুষ্ঠানিকভাৱে অৰ্পণ কৰে ৰাজ্যিক নিৰ্বাচনী বিষয়া অনুৰাগ গোৱেলে নেতৃত্বাধীন আয়োগৰ এটি দলে । ইয়াৰ পিছতে নতুন চৰকাৰ গঠনৰ বাবে ৰাজ্যপালে অনুমতি প্ৰদান কৰে নিৰ্বাচন আয়োগক ৷