Global warming:
:বৰফ কমিছে, প্রতিফলনকাৰী মেঘ কমিছে, লগতে উন্মুক্ত হৈছে মহাসাগৰ আৰু স্থলভাগৰ অন্ধকাৰাচ্ছন্ন অংশ। সাধাৰণ দৃষ্টিত এইবোৰ পৰিৱৰ্তনক পৃথক আৰু সৰু যেন লাগিলেও এইবোৰে কিন্তু সামগ্রিকভাৱে মহাশূন্যত সূৰ্যৰ পোহৰ প্ৰতিফলিত কৰাৰ ক্ষমতা কমাই দিছে। ফলত পৃথিৱীয়ে অধিক পৰিমাণৰ তাপ ধৰি ৰাখিছে, যি জলবায়ু সংকটক আৰু জটিল কৰি তুলিছে। ইয়াতে গুৰুত্বপূৰ্ণ হৈ পৰিছে এলবেডো।
# এলবেডো কি আৰু কিয় গুৰুত্বপূৰ্ণ?
এলবোডো হৈছে কোনো বস্তু বা পৃষ্ঠৰ পোহৰ প্ৰতিফলিত কৰাৰ পৰিমাণ। নতুন বৰফ বা তুষাৰে সূৰ্যৰ প্ৰায় ৯০ শতাংশ পোহৰ মহাশূন্যলৈ ঘূৰাই পঠায়। আনহাতে, সাগৰৰ জলভাগ বা খালী ভূমিত ১০ শতাংশৰো কম পোহৰ প্ৰতিফলিত কৰে, বাকী পোহৰখিনি শোষণ কৰি লয়।
যেতিয়া বগা বৰফ গলিবলৈ আৰম্ভ কৰে, তেতিয়া তাৰ তলত থকা অন্ধকাৰ পৃষ্ঠ উন্মুক্ত হৈ পৰে। ই এক বিপজ্জনক চক্ৰ সৃষ্টি কৰে। ২০০০ৰ পৰাই নাছাৰ
পর্যবেক্ষণত দেখা গৈছে যে পৃথিৱীৰ এলবোডো ধাৰাবাহিকভাৱে হ্রাস পাইছে। গৱেষকসকলৰ মতে, এই এলবোডো হ্ৰাসৰ কাৰণে সাম্প্ৰতিক বছৰসমূহত পৃথিৱীৰ গড় তাপমাত্রা প্রায় ০.২ ডিগ্রী চেলচিয়াছ বৃদ্ধি পাইছে।
# এলবেডো হ্ৰাসৰ ক্ষতিকাৰক প্ৰভাৱ
পৃথিৱীয়ে নিজৰ শীতলীকৰণ ব্যৱস্থা হেৰুওৱাৰ প্ৰভাৱ পৰিৱেশৰ প্রতিটো ক্ষেত্রতে বিয়পি পৰিছে।
# সেই সমস্যাবোৰ হৈছে-
মানৱস্বাস্থ্যলৈ আশংকা : তীব্র তাপে পোনপটীয়াকৈ মানুহৰ শৰীৰ, কামৰ ক্ষমতা আৰু স্বাস্থ্যত চাপ সৃষ্টি কৰে। প্ৰবীণ আৰু শিশুসকল সবাতোকৈ বেছি বিপজ্জনক স্থিতিত থাকে।
# খাদ্য নিৰাপত্তা সংকট:
তাপমাত্রা বৃদ্ধি আৰু অনিয়মিত বৃষ্টিপাতে শস্যৰ ফলত হ্রাস কৰে আৰু পোহনীয়া জন্তুৰ স্বাস্থ্য নষ্ট কৰে, যি বিশ্বব্যাপী খাদ্য সংকটৰ সৃষ্টি কৰিব পাৰে।
সামুদ্রিক বাস্তুতন্ত্ৰৰ বিনাশঃ
সমুদ্রই অতিৰিক্ত তাপ শোষণ কৰাৰ ফলত ক’ৰেল ব্লিছিং বা প্রবাল ক্ষয় হৈছে আৰু সামুদ্রিক জীৱ-বৈচিত্র্য ব্যাহত হৈছে।
# বন্যপ্ৰাণীৰ বাসস্থানৰ বিলুপ্তিঃ
দ্রুত পৰিৱৰ্তনশীল তাপমাত্ৰাৰ স’তে স্বাভাৱিক হ’ব নোৱাৰি বহু প্রাণীয়ে বাসস্থান হেৰুৱাইছে। লগতে বহু প্ৰাণী আৰু উদ্ভিদ প্ৰজাতি বিলুপ্তিৰ পথলৈ ধাৱমান হৈছে।
# দাবানল আৰু শুষ্কতাঃ
তাপমাত্রা বৃদ্ধিৰ ফলত বনভূমি শুকাই গৈছে, যি সঘন দাবানলৰ আশংকা বৃদ্ধি কৰিছে।
# খোৱাপানীৰ অভাৱ:
মেৰু অঞ্চলৰ বাহিৰেও পাহাৰৰ হিমবাহ শুকাই যোৱাত কোটি কোটি মানুহৰ সুস্বাদু পানীৰ উৎস ক্ষতিগ্রস্ত হৈছে।
# আমি এইবোৰ পৰিৱৰ্তন ৰোধ কৰিব পাৰোনে?
চহৰাঞ্চলত বগা বা পাতল ৰঙৰ ছাদ আৰু ৰাস্তা নিৰ্মাণ কৰি কিছু পৰিমাণে স্থানীয় স্বস্তি পোৱাটো সম্ভৱ। তদুপৰি বিজ্ঞানীসকলে কৃত্রিমভাৱে মেঘ তৈয়াৰ কৰি বা এৰ’ছল স্প্রে’ কৰি পৃথিৱীৰ প্ৰতিফলন ক্ষমতা বৃদ্ধিৰ প্রযুক্তিক লৈ গৱেষণা কৰিছে; কিন্তু এইবোৰ বিপদশংকুল আৰু মূল সমস্যাৰ সমাধান নহয়।
জলবায়ু পৰিৱৰ্তন কেৱল তাপমাত্রা বৃদ্ধিৰ বিষয় নহয়, ই প্রত্যেক জীৱসত্তাৰ অস্তিত্বৰ স’তে সম্পর্কিত। গ্রীণহাউছ গেছ নির্গমন হ্রাসেই পৃথিৱীৰ এলবোডো ৰক্ষা কৰা আৰু এই ধ্বংসাত্মক চক্ৰ ৰোধ কৰাৰ একমাত্ৰী দীর্ঘম্যাদী সমাধান।