তেজপুৰত আৰক্ষীলৈ সামান্যতমো কেৰেপ নকৰাকৈ দুৰ্বৃত্তই মহিলাৰ ডিঙিৰ পৰা সোণৰ অলংকাৰ ছিঙি নিয়া ঘটনা ধাৰাবাহিকভাবে সংঘটিত হৈ আছে৷আজিও তেজপুৰৰ এক জনবহুল অঞ্চল ঘৰপৰা চুবুৰীৰ চন্দ্ৰ হংস পথৰ পৰা এগৰাকী শিক্ষয়িত্ৰীৰ ডিঙিৰ সোণৰ ছেইন থপিয়াই ছিঙি লৈ উধাও হয় দুই দুৰ্বৃত্ত৷উল্লেখযোগ্য যে,ঘৰপৰাচুবুৰীত ভাড়াতীয়া হিচাপে থকা তেজপুৰ চৰকাৰী বহুমুখী কন্যা বিদ্যালয়ৰ শিক্ষয়িত্ৰী চিতু গগৈ আজি দিনৰ প্ৰায় ১১বজাত ৰত্নপুৰৰ এখন বিপনীলৈ অহাৰ সময়তে এখন ক’লা আৰু ৰঙা বৰণৰ স্কুটিত অহা দুই দুৰ্বৃত্তই পিছফালৰ পৰা গগৈৰ ডিঙিৰ সোণৰ চেইনডাল আজুৰি ছিঙি নিয়ে৷
উল্লেখযোগ্য যে,ইয়াৰ পূৰ্বে দুই দুৰ্বৃত্তই ৰত্নপুৰৰ লগতে আশেপাশে তহল দিয়া একাংশ লোকে দেখিছিল৷আনকি হেলমেট পৰিধান নকৰাকৈ স্কুটিখনৰ পৰা এজন নামি আহি শিক্ষয়িত্ৰী গৰাকীৰ ডিঙিৰ চেইনডাল ছিঙি লগে লগে দুই দুৰ্বৃত্ত স্কুটিখনৰে উধাও হয়৷উল্লেখযোগ্য যে,তেজপুৰত এইদৰে চেইন চোৰে চলোৱা সন্ত্ৰাসে ৰাইজক উদ্বিগ্ন তথা ক্ষোভিত কৰিছে য’দিও এনে এটাও দুৰ্বৃত্তক আৰক্ষীয়ে কৰায়ত্ত কৰিব পৰা নাই৷
