Zubeen Studio:
দৈনিক অগ্ৰদূত ডিজিটেল ডেস্ক:প্ৰাণৰ শিল্পী জুবিন গাৰ্গক সুৱঁৰি আজিৰে পৰা ৰাজ্যজুৰি উদযাপিত হৈছে জুবিন দিৱস৷ হাৰ্টথ্ৰৱ গৰাকীৰ শেষ শয়নস্থলী সোণাপুৰৰ জুবিনক্ষেত্ৰত আজি পুৱাৰে পৰা বিস্তৃত কাৰ্যসূচীৰ আয়োজন কৰা হৈছে সৰ্বধৰ্ম প্ৰাৰ্থনা,নাম প্ৰসংগ সহ ভিন্ন কাৰ্যসূচী ৷
হিয়াৰ আমঠু গৰাকীৰ সোৱঁৰণী অনুষ্ঠানৰ মাজতে শুকুৰবাৰে জুবিন গাৰ্গৰ মহানগৰীৰ জোনালী ষ্টুডিঅ’ত উপস্থিত হয় বলীউডৰ জনপ্ৰিয় সংগীত শিল্পী তথা জুবিনৰ ভাতৃপ্ৰতিম বন্ধু ছেলিম মার্চেন্ট ৷ কণ্ঠশিল্পী গৰাকীয়ে জোনালী ষ্টুডিঅ’ত জুবিনৰ প্ৰতিচ্ছবিত বন্তি-ধুপ জ্বলাই গভীৰ শ্ৰদ্ধাঞ্জলি জনায় ৷ লগতে জুবিনে ব্যৱহাৰ কৰা সাজ-পোচাক আৰু অন্যান্য সা- সামগ্ৰী স্বচক্ষে চায় পুলকিত হৈ পৰে ৷ ছেলিম মার্চেন্টে জুবিন পত্নী গৰিমা শইকীয়া গাৰ্গৰ স’তেও মতবিনিময় কৰে ৷
আনহাতে জুবিনৰ স্মৃতিত সামাজিক মাধ্যমত বিশেষ ভিডিঅ’ পোষ্ট কৰে ছেলিম মার্চেন্টে ৷মুম্বাইৰ পৰা ধপলিয়াই অহা চেলিম মাৰ্চেণ্টে আজি বিয়লি জুবিন ক্ষেত্ৰতো উপস্থিত হৈ বন্ধু জুবিনলৈ শ্ৰদ্ধাঞ্জলি জনাই চাকি-ধূপ জ্বলাই প্ৰাৰ্থনা কৰে ৷ADVERTISEMENT