মাওবাদীৰ স’তে মুখামুখি সংঘৰ্ষত ২২ জন চিআৰপিএফ জোৱান শ্বহীদ হয় আৰু ৩১ জন জোৱান ইতিমধ্যে নিখোঁজ হৈ আছে । প্ৰশাসনৰ সূত্ৰ অনুসৰি, নিহতৰ সংখ্যা বৃদ্ধি হোৱাৰ সম্ভাৱনা আছে ।
কালি চট্টিছগড়ৰ সুকুমা-বিজাপুৰ সীমান্তত চিআৰপিএফ বাহিনীয়ে মাওবাদী দমন অভিযান চলাইছিল । সেই অভিযানতেই মাওবাদীৰ স’তে গুলী চালনা সংঘৰ্ষত অৰ্ধসামৰিক বাহিনীৰ ২২জন জোৱানে মৃত্যুক সাৱটি লয় ।
আজি বিজাপুৰৰ আৰক্ষী বিষয়া কমল লোচন কাশ্যপে সংবাদ মাধ্যমৰ স’তে এক সাক্ষাৎকাৰত জনায়, ‘চট্টিছগড়ৰ সুকুমা-বিজাপুৰ সীমান্তত মাওবাদী সংঘৰ্ষত ২২ জন জোৱানে প্ৰাণ হেৰুৱাইছে, ৩১ জন আহত হৈছে ।’ ইয়াৰ পূৰ্বে শনিবাৰে মাওবাদী দমন অভিযানত পাঁচজন অৰ্ধসামৰিক জোৱান নিহত হৈছে বুলি জনাইছিল চট্টিছগড় আৰক্ষীয়ে ।
শ্বহীদ জোৱানসকলৰ ভিতৰত আছিল অসমৰো এজন । জোৱানগৰাকী দুধনৈৰ দামৰাৰ বাবলু ৰাভা । তেওঁ চিআৰপিএফৰ কোব্ৰা বেটেলিয়নত কৰ্মৰত আছিল । বিগত বৰ্ষৰ নৱেম্বৰত শেষবাৰৰ বাবে নিজ গৃহত আহিছিল বাবলুৱে । বীৰ জোৱানগৰাকীয়ে ইহ সংসাৰত পত্নী, এটি কন্যা শিশুসহ বহু আত্মীয়স্বজনক এৰি থৈ যায় ।
প্ৰধানমন্ত্ৰী নৰেন্দ্ৰ মোদীয়ে শ্বহীদসকলৰ পৰিয়ালবৰ্গৰ প্ৰতি সমবেদনা জ্ঞাপন কৰি টুইট কৰে, ‘চট্টিছগড়ত মাওবাদীৰ স’তে যুঁজ চলি থকাৰ সময়ত মোৰ চিন্তন তেওঁলোকৰ পৰিয়ালবৰ্গৰ স’তে আছিল । সাহসী শ্বহীদসকলৰ বলিদান কেতিয়াও পাহৰিব পৰা নাযাব । গুৰুত্বৰ আহতসকল শীঘ্ৰে সুস্থ হৈ উঠক ।’
My thoughts are with the families of those martyred while fighting Maoists in Chhattisgarh. The sacrifices of the brave martyrs will never be forgotten. May the injured recover at the earliest.
— Narendra Modi (@narendramodi) April 3, 2021
কেন্দ্ৰীয় গৃহমন্ত্ৰী অমিত শ্বাহে উদ্বেগ প্ৰকাশ কৰি টুইট কৰে, মই চট্টিছগড়ৰ মাওবাদী স’তে যুঁজত শ্বহীদ হোৱা সাহসী নিৰাপত্তা কৰ্মীসকলৰ বলিদানক প্ৰণাম জনাওঁ । সমগ্ৰ দেশে তেওঁলোকৰ বীৰত্ব কেতিয়াও পাহৰিব নোৱাৰে । তেওঁলোকৰ পৰিয়ালবৰ্গক মোৰ সমবেদনা । শান্তি আৰু বিকাশৰ বাবে আমি এই শত্ৰুবোৰৰ বিৰুদ্ধে যুঁজি যাম । আহতসকল শীঘ্ৰে সুস্থ হওক ।’
I bow to the sacrifices of our brave security personnel martyred while fighting Maoists in Chhattisgarh. Nation will never forget their valour. My condolences are with their families. We will continue our fight against these enemies of peace & progress. May injured recover soon.
— Amit Shah (Modi Ka Parivar) (@AmitShah) April 4, 2021
