‘ভুলবশতঃ’ সন্ত্রাসবাদী বুলি ভাবি নিৰাপত্তা বাহিনীৰ গুলিত নিহত হ’ল প্ৰায় ১৫ জন গাঁওবাসী । নাগালেণ্ডৰ মন জিলাত অ’টিং গাঁৱত সন্ত্রাসদমন অভিযান চলোৱাৰ সময়তে নিৰাপত্তাবাহিনীয়ে গুলি চলায় বুলি অভিযোগ । সেই গুলীচালনাতে মৃত্যু হয় গাঁওবাসীৰ । আৰক্ষীয়ে জনায়, এই ঘটনাত এজন জোৱানৰ মৃত্যু হৈছে । গাঁওখন ম্যানমাৰ সীমান্তত অৱস্থিত ।
নাগালেণ্ডৰ মুখ্যমন্ত্রী নেইফিউ ৰিওই টুইটাৰত এই ঘটনা উল্লেখ কৰি শোক প্রকাশ কৰে । ইয়াক ‘দুর্ভাগ্যজনক ঘটনা’ বুলি উল্লেখ কৰি নিহতসকলৰ পৰিয়ালৰ প্রতি সমবেদনা জনাইছে । ঘটনাৰ তদন্তত উচ্চ পর্যায়ৰ বিশেষ দল গঠন কৰা হৈছে বুলিও তেওঁ জনাইছে । এই ঘটনাত শোক প্রকাশ কৰি টুইট কৰিছে গৃহমন্ত্রী অমিত শ্বাহে । অসম ৰাইফলছৰ তৰফৰ পৰা এক বিবৃতি জাৰি কৰি জনোৱা হৈছে, ‘ঘটনাৰ উচ্চপর্যায়ৰ তদন্ত হ’ব । দোষীসকলক আইন অনুযায়ী শাস্তি বিহা হ’ব ।’
Anguished over an unfortunate incident in Nagaland’s Oting, Mon. I express my deepest condolences to the families of those who have lost their lives. A high-level SIT constituted by the State govt will thoroughly probe this incident to ensure justice to the bereaved families.
— Amit Shah (Modi Ka Parivar) (@AmitShah) December 5, 2021
স্থানীয় সংবাদমাধ্যম সূত্রে খবৰ, এখন পিক-আপ ভেনত অ’টিং গাঁৱত ঘূৰি আছিল গাঁওবাসীসকল । ‘সন্ত্রাসবাদী’ ভাবি তেওঁলোকক লক্ষ্য কৰি গুলি চলায় নিৰাপত্তা বাহিনীয়ে । দীর্ঘসময় ধৰি উভতি নহাত তেওঁলোকক বিচাৰি ওলাই আহে অন্যান্য গাঁওবাসীসকল । এঠন ট্রাকৰ ভিতৰত তেওঁলোকৰ দেহসমূহ উদ্ধাৰ হয় ।
আৰক্ষী সূত্ৰে জানিব পৰা গৈছে, সন্ত্রাস ৰোধ কৰিবলৈ তিৰু-অ’টিং ৰ’ডত অভিযান চলায় নিৰাপত্তা বাহিনীয়ে । সেই সময়ত স্থানীয় গাঁওবাসীসকলে প্রতিৰোধৰ সন্মুখীন হৈ নিৰিপত্তাবাহিনীলৈ লক্ষ্য কৰি গুলি চলায় । গুলিত গাঁওবাসীসকলৰ মৃত্যু হোৱাত উত্তেজনাৰ সৃষ্টি হয় । আৰক্ষীৰ দাবী, ‘আত্মৰক্ষাৰ’ বাবে গুলি চালনা কৰিবলগীয়া হয় নিৰাপত্তা বাহিনীয়ে । বাহিনীৰ কিছুসংখ্যক গাড়ীও জ্বলাই দিয়া হৈছে ।