আজি মহাপুৰুষ শ্ৰীমন্ত শংকৰদেৱৰ ৪৫৪ সংখ্যক তিৰোভাব তিথি । সেই উপলক্ষে নামঘৰে – নামঘৰে ভক্তিভাৱত ডুব গৈছে ৰাজ্যৰ সকলো ভক্তপ্ৰাণ ৰাইজ । আজি এই পবিত্ৰ দিনতেই ভক্তিৰসত মুখৰিত হৈ থকা ৰাজ্যবাসীলৈ দিল্লীৰ মুখ্যমন্ত্ৰী অৰবিন্দ কেজৰিৱালে গুৰুজনালৈ শতকোটি প্ৰণাম জনাই অসমীয়াতে এক বিশেষ টুইট বাৰ্তা প্ৰেৰণ কৰিছে ।
গুৰুজনালৈ শতকোটি প্ৰণাম জনাই জনপ্ৰিয় মুখ্যমন্ত্ৰী গৰাকীয়ে লিখিছে ,” হৰি নাম ৰসে বৈকুণ্ঠ প্ৰকাশে প্ৰেম অমৃতৰ বাণী শ্ৰীমন্ত শংকৰে পাৰ ভাঙি দিলা বহে ব্ৰক্ষ্মাণ্ড ভেদি । মহাপুৰুষ শ্ৰীমন্ত শংকৰদেৱৰ তিৰোভাৱ তিথিত গুৰুজনালৈ শতকোটি প্ৰণাম ।” উল্লেখযোগ্য যে , মহাপুৰুষজনাৰ পবিত্ৰ তিৰোভাৱ তিথি উপলক্ষে মুখ্যমন্ত্ৰী গৰাকীয়ে এনেকৈ অসমীয়াত টুইট কৰি দিয়া শুভেচ্ছাই এতিয়া সকলোৰে হৃদয় চুই গৈছে ।
হৰি নাম ৰসে বৈকুণ্ঠ প্ৰকাশে
প্ৰেম অমৃতৰ নদী
শ্ৰীমন্ত শংকৰে পাৰ ভাঙি দিলা
বহে ব্ৰহ্মাণ্ডক ভেদি।।মহাপুৰুষ শ্ৰীমন্ত শংকৰদেৱৰ তিৰোভাৱ তিথিত গুৰুজনালৈ শতকোটি প্ৰণাম।
— Arvind Kejriwal (@ArvindKejriwal) August 29, 2022