Uttar Pradesh:
উত্তৰ প্ৰদেশৰ যোগী আদিত্যনাথ চৰকাৰে অপৰাধ আৰু অপৰাধীৰ বিৰুদ্ধে কঠোৰ স্থিতি গ্ৰহণ কৰি আহিছে। মুখ্যমন্ত্রী যোগীয়ে অপৰাধীৰ বিৰুদ্ধে শূন্য সহনশীলতা নীতি গ্ৰহণ কৰাৰ ফলত উত্তৰ প্ৰদেশত অপৰাধ নিয়ন্ত্রণ বহুখিনি সম্ভৱ হৈছে। ২০ মার্চ ২০১৭ৰ পৰা ৰাজ্যখনত বর্তমানলৈকে ১৪,৯৭৩ টা আৰক্ষীৰ স’তে অপৰাধীৰ এনকাউণ্টাৰৰ ঘটনা সংঘটিত হৈছিল। এনেবোৰ এনকাউণ্টাৰত ৰাজ্যখনত ২৩৮ কুখ্যাত অপৰাধী ধৰাশায়ী হ’ল।
আনহাতে, বিগত আঠ বছৰত উত্তৰ প্ৰদেশ আৰক্ষীয়ে ৩০,৬৯৪ জন অপৰাধীক গ্ৰেপ্তাৰ কৰিলে। তদুপৰি একে সময়ছোৱাত ৰাজ্যখনত আৰক্ষীৰ অভিযান ৯,৪৬৭ জন অপৰাধী আহত হৈছিল। এনকাউন্টাৰত নিহত ২৩৮ অপৰাধীৰ মেৰথ অঞ্চলত সৰ্বাধিক ৮১ জন ধৰাশায়ী হৈছিল। এই অঞ্চলত আঠ বছৰত আৰক্ষী আৰু অপৰাধীৰ ৪,২৪৭টা এনকাউন্টাৰ হৈছিল। এনে ঘটনাত ২,৯১১ জন অপৰাধী আহত হৈছিল।
বাৰানসীত উক্ত সময়ছোৱা ২৬ জন অপৰাধী ধৰাশায়ী হৈছিল। একেদৰে আগ্ৰাত ২০, প্রয়াগৰাজত ১০, বৰেলীত ১৫, গোৰখপুৰত আঠ, কানপুৰত ১১ আৰু লক্ষ্ণৌত ১৫ জন অপৰাধীয়ে এনকাউন্টাৰত প্রাণ হেৰুৱাইছিল। এই সময়ছোৱাত অপৰাধীৰ স’তে হোৱা সংঘৰ্ষত ১৮ জন আৰক্ষী ছহিদ হোৱাৰ লগতে ১,৭১১ জন আৰক্ষী আহত হৈছিল।