Zubeern Garg Chargesheet:
সকলো উৎকণ্ঠাৰ অন্ত পেলাই হিয়াৰ আমঠু জুবিন গাৰ্গৰ মৃত্যুৰ তদন্তৰ চাৰ্জশ্বীট কামৰূপ মুখ্য ন্যায়িক দণ্ডাধীশৰ আদালতত দাখিল কৰাৰ বাবে এছআইটিৰ দল আজি দুপৰীয়া আদালত চৌহদত উপস্থিত হয় ৷
এছ আইটিৰ তদন্তকাৰী বিষয়া ৰ’জী কলিতা আৰু মৰমী মেধিৰ নেতৃত্বত এটা দলে পুৱা ১১ বজাত কটকটীয়া নিৰাপত্তাৰ মাজেৰে জুবিন গাৰ্গৰ ফটো সম্বলিত SITৰ বাহনত ৪ টাকৈ ট্ৰাংকত আদালতলৈ আনে ৭০০০ পৃষ্ঠাৰ চাৰ্জশ্বীট । দুয়োগৰাকী বিষয়াই আদালতত দাখিল কৰিব অভিযোগনামা ৷ অভিযোগনামাত আছে ভয়ংকৰ তথ্য ৷ ২৬০ জনৰো অডিক লোকৰ সাক্ষ্য প্ৰমাণ সন্নিৱিষ্ট আছে এছ অভিযোগনামাত ৷
চাৰ্জশ্বীট আদালতত দাখিল কৰাৰ পিছত সমগ্ৰ বিষয়টো ৰাজহুৱা হ’বলৈ সময় লাগিব প্ৰায় ৪৮ ঘন্টা ৷তাৰ পিছত কোনো লোকে অভিযোগনামা চাবৰ বাবে আইনী প্ৰক্ৰিয়াৰে লাভ কৰিব পাৰিব তাৰ কপি ৷
উল্লেখ্য যে ছিংগাপুৰত অনুষ্ঠিত নৰ্থ ইষ্ট ফেষ্টিভেলত অংশ গ্ৰহণ কৰিবলৈ গৈ সমুদ্ৰ বক্ষত ৰহস্যজনক মৃত্যুক আকোৱালি লৈছিল হিয়াৰ আমঠু জুবিন গাৰ্গ ৷ হাৰ্টথ্ৰৱ গৰাকীৰ মৃত্যুৰ ঘটনা বিয়পি পৰাৰ লগে লগে ৰাজ্যৰ চৌদিশে তীব্ৰ প্ৰতিক্ৰিয়া সৃষ্টি হয় ৷ থানাই থানাই জুবিন অনুৰাগীয়ে নৰ্থ ইষ্ট ফেষ্টিভেলৰ হোতা শ্যামকানু মহন্ত,জুবিনৰ মেনেজাৰ সিদ্ধাৰ্থ শৰ্মাৰ বিৰুদ্ধে গোচৰ তৰে ৷জুবিনৰ পাৰ্থিৱ শৰীৰ গুৱাহাটী আহি পোৱাৰ পিছত ৰাজ্য চৰকাৰে ৰাষ্ট্ৰীয় মৰ্যাদাে শেষ কৃত্য সম্পন্ন কৰিছিল ৷
আনহাতে ৰাইজৰ বিপুল দাবীত জুবিনৰ ৰহস্যজনৰ ঘটনাৰ তদন্তৰ বাবে ৰাজ্য চৰকাৰে চিআইডি অৰ্পণ কৰিছিল ৷ চিআইডিৰ ক্ষিপ্ৰতাৰে অভিযান চলাই গুৰুগাঁৱৰ পৰা জুবিনৰ মেনেজাৰ সিদ্ধাৰ্থ শৰ্মা ক আটক কৰাৰ বিপৰীতে শ্যামকানু মহন্তই চিংগাপুৰৰ পৰা গুৱাহাটীত উপস্থিত হোৱাৰ পিছতে চিআইডিয়ে বিমান বন্দৰতে আটক কৰে ৷ একেদৰে জুবিনৰ বাদ্যযন্ত্ৰী শেখৰ জ্যোতি গোস্বামী,সহ- শিল্পী অমৃতপ্ৰভা মহন্ত,জুবিনৰ সম্বন্ধীয় ভাতৃ সঞ্জীপন গাৰ্গ,জুবিনৰ দুই দেহৰক্ষী নন্দেশ্বৰ বৰা আৰু পৰেশ বৈশ্যক গুৱাহাটীত গ্ৰেপ্তাৰ কৰে চিআইডিয়ে ৷ সম্প্ৰতি ছয় অভিযুক্ত কাৰাৰুদ্ধ হৈ আছে বাকসা জিলা কাৰাগাৰ আৰু হাফলং উপ- কাৰাগাৰত ৷
আনহাতে আজি অভিযোগনামা দাখিলৰ পূৰ্বে সাত অভিযুক্ত কাৰাৰুদ্ধ হৈ থকা বাকসাৰ জিলা কাৰাগাৰ আৰু হাফলঙৰ উপ- কাৰাগাৰৰ বাহিৰত কটকটীয়া নিৰাপত্তা ব্যৱস্থা গ্ৰহণ কৰিছে প্ৰশাসনে ৷
