Venezuela :
লেটিন আমেৰিকান দেশ ভেনিজুৱেলাত ভয়ংকৰ অঘটন ৷ নিশাৰে পৰা মাৰ্কিন যুক্তৰাষ্ট্ৰৰ ভয়ংকৰ মিছাইল আক্ৰমণ ৰাজধানী চহৰ কাৰাকাছত ৷
শনিবাৰে কাৰাকাছত সংঘটিত হোৱা বৃহৎ আক্ৰমণৰ পিছত গ্ৰেপ্তাৰ ভেনিজুৱেলাৰ ৰাষ্ট্ৰপতি নিকোলাছ মাদুৰক ৷ মাদুৰ’ৰ পত্নী চিলিয়া ফ্ল’ৰেছকো গ্ৰেপ্তাৰ কৰা বুলি দাবী মাৰ্কিন ৰাষ্ট্ৰপতি ড’নাল্ড ট্রাম্পৰ ৷ ৰাষ্ট্ৰপতি আৰু পত্নীক দেশৰ পৰা বাহিৰলৈ নিয়াৰ দাবী ট্রাম্পৰ ৷
ট্ৰুথ ছ’চিয়েলত পোষ্ট কৰা এক ঘোষণাত ট্ৰাম্পে কয় যে, “আমেৰিকাই ভেনিজুৱেলা আৰু ৰাষ্ট্ৰপতি নিকোলাছ মাদুৰোৰ বিৰুদ্ধে বৃহৎ পৰিসৰৰ আক্ৰমণ সফলতাৰে চলোৱা হয় ৷ পৰৱৰ্তী নিকোলাছ মাদুৰ আৰু তেওঁৰ পত্নীক বন্দী কৰি দেশখনৰ বাহিৰলৈ লৈ যোৱা হৈছে ৷ আনহাতে বিবিচিৰ সৈতে হোৱা বাৰ্তালাপত আমেৰিকান সেনাৰ ডেল্টা ফৰ্চে এই বন্দী হোৱাৰ কথা নিশ্চিত কৰিছে।
উল্লেখ্য যে সমগ্ৰ ৰাজধানী চহৰৰ কেইবাটাও স্থানক লক্ষ্য কৰি এই মাৰ্কিন সেনাৰ মিছাইল আক্ৰমণ শুক্ৰবাৰে মাজনিশাৰে পৰা অব্যাহত থাকে । ট্ৰাম্পে মাদুৰোক বন্দী কৰা বুলি ঘোষণা কৰাৰ ঠিক আগতেই ভেনিজুৱেলাই ৰাষ্ট্ৰীয় জৰুৰীকালীন অৱস্থা ঘোষণা কৰিছিল আৰু আমেৰিকাৰ “সামৰিক আগ্ৰাসন” নাকচ কৰিছিল। ইয়াৰ জৰিয়তে আমেৰিকাৰ “এই সাম্ৰাজ্যবাদী আগ্ৰাসনক পৰাস্ত কৰিবলৈ” জনসাধাৰণক সংগঠিত হ’বলৈ আহ্বান জনায়। স্থানীয় একাংশ সংবাদ মাধ্যমে এই আক্ৰমণৰ সময়ত ভেনিজুৱেলা ন্যায় মন্ত্ৰী ডিঅ’ছডাডো কেবেলোৰ মৃত্যুৰ ঘটে বুলি সদৰি কৰিছে ।
আনহাতে কিউবাৰ ৰাষ্ট্ৰপতি মিগেল ডায়েজ-কেনেল আৰু কলম্বিয়াৰ ৰাষ্ট্ৰপতি গুস্তাভো পেট্ৰ’ দুয়োজনে ভেনিজুৱেলাত নিশাটোৰ ভিতৰতে হোৱা আক্ৰমণক গৰিহণা দিয়ে। কলম্বিয়াই মাদুৰোৰ চৰকাৰক স্বীকৃতি নিদিলেও আমেৰিকাৰ সামৰিক হস্তক্ষেপৰ বিৰোধিতা কৰিছে। কলম্বিয়া ভেনিজুৱেলাৰ চুবুৰীয়া দেশ ।
আমেৰিকাৰ সামৰিক বিষয়াসকলে কয় যে ট্ৰাম্পে কিছুদিন পূৰ্বে ভেনিজুৱেলাত আক্ৰমণৰ অনুমোদন জনাইছিল। চিবিএছ নিউজে বিষয়াসকলৰ উদ্ধৃতিৰে প্ৰকাশ কৰা অনুসৰি, ‘ৰাষ্ট্ৰপতি ট্ৰাম্পে অভিযান আৰম্ভ হোৱাৰ কিছুদিন পূৰ্বে ভেনিজুৱেলাত স্থল আক্ৰমণ চলাবলৈ আমেৰিকাৰ সেনাবাহিনীক সেউজ সংকেত দিছিল।
