Zubeen khetra:
বুলবুল হুচেইন নামৰ উবেৰ চালক এজনে চ’ছিয়েল মেডিয়া যোগে এজন বহি:ৰাজ্যৰ দৰ্শনাৰ্থীয়ে জুবিন ক্ষেত্ৰ পৰিদৰ্শন কৰাৰ কালত ধূলিময় আৰু অপৰিস্কাৰ হৈ পৰা জুবিনক্ষেত্ৰৰ বিষয়ে কৰা মন্তব্যৰ আঁত ধৰি দিয়া চাক্ষুষ বণৰ্না সদৰি কৰাৰ পিছতে থৰকাচুটি কামৰূপ প্ৰশাসনৰ ৷ আনকি উবেৰ চালকজনৰ ভিডিঅ’ৰ পিছতে বিশেষ টুইট কৰে জুবিন পত্নী গৰিমা গাৰ্গ আৰু ভগ্নী ড:পামি বৰঠাকুৰে ৷
তাৰ পিছতে মুখ্যমন্ত্ৰী ড:হিমন্ত বিশ্বশৰ্মাই কামৰূপ মহানগৰ জিলা আয়ুক্তক তৎকালীনভাৱে কাৰ্যকৰী হোৱাকৈ জুবিনক্ষেত্ৰ চৌহদত থকা দোকান- পোহাৰ আঁতৰাই দি চৌদিশ চাফচিকুন কৰি দেৱাল নিৰ্মাণৰ নিৰ্দেশ দিয়ে।
আনহাতে মুখ্যমন্ত্ৰীৰ নিৰ্দেশৰ পিছতে পৰিচ্ছন্নতাক লৈ তৎপৰ হৈ পৰে কামৰূপ মহানগৰ প্ৰশাসন ৷ সোমবাৰে প্ৰশাসনে জুবিনক্ষেত্ৰৰ সন্মুখৰ দোকানসমূহ আঁতৰাই দি চৌদিশ চাফ চিকুণ কৰে ৷
ইপিনে,জুবিনক্ষেত্র চাফ-চিকুণ কৰি ৰাখিবলৈ মুখ্যমন্ত্ৰীৰ নিৰ্দেশনাৰ পাছতে মঙলবাৰে পুৱাই প্রিয় গ’ল্ডীৰ ওচৰলৈ গ’ল গৰিমা শইকীয়া গার্গ। সোণাপুৰৰ শেষ শয়নস্থলীত চাকি-বন্তি জ্বলাই অশ্রুসিক্ত নয়নেৰে সুঁৱৰিলে স্বামী গ’ল্ডীক ৷ গৰিমা শইকীয়া গাৰ্গৰ সংগ দিয়ে জুবিন ফেন ক্লাৱৰ সদস্যসকলে ৷ জুবিনক্ষেত্ৰ পৰিদৰ্শন কৰি সকলোকে এই বিশেষ ঠাইখিনি পৰিস্কাৰ কৰি ৰখাৰ আহ্বান জনালে জুবিন পত্নীয়ে ।
