Nomination Filed Lurinjyoti Gogoi :
বিজেপিক উৎখাত কৰাৰ লক্ষ্যৰে কংগ্ৰেছত নেতৃত্বত গঠন কৰা ছয়দলীয় মৰ্চাৰ নিজ নিজ দলীয় প্ৰাৰ্থীত্ব ঘোষণাৰ পিছত শুকুৰবাৰৰ পৰা প্ৰাৰ্থী সকলে দাখিল কৰিছে মনোনয়ন ৷
অসম জাতীয় পৰিষদৰ সভাপতি তথা খোৱাঙৰ দলীয় প্ৰাৰ্থী লুৰীণজ্যোতি গগৈয়ে আজি তিনিচুকীয়া জিলা আয়ুক্তৰ কাৰ্যালয়ত ৰিৰ্টানিং বিষয়া ওচৰত দাখিল কৰে মনোনয়ন পত্র ৷ ঢোলেদগৰে বৃহৎ সমদলৰে উলিওৱা সমদলত অংশগ্ৰহণ কৰে এপিচিচিৰ সভাপতি গৌৰৱ গগৈয়ে ৷ লুৰিণজ্যোতিৰ মনোনয়ন পত্র দাখিল কৰাৰ পিছত সাংবাদিকৰে হোৱা বাৰ্তালাপত এপিচিচিৰ সভাপতি গৰাকীয়ে কয়, ৫ বছৰৰ সপোন আজি পূৰণ হ’ল ৷ কিয়নো মই এদিন ভাবিছিলো বিজেপিৰ সাম্প্ৰদায়িক আৰু তুষ্টিকৰণ ৰাজনীতি উৎখাত কৰিবলৈ মোৰ স’তে সহযোদ্ধা হ’ব লুৰীণজ্যোতি গগৈ আৰু অখিল গগৈ ৷ আমি ঐক্যবদ্ধ হৈ এখন নতুন বৰ অসম গঢ়িব পাৰিম ৷ কাৰ্যত মোৰ সপোন অৱশেষত বাস্তৱত পৰিণত হ’ল ৷আজি আমি একত্ৰিত হৈ দিছপুৰৰ মচনদৰ পৰা হিমন্ত বিশ্ব শৰ্মাৰ স্বৈৰাচাৰি শাসনৰ অৱসান ঘটাম ৷ এতিয়া যেন ৰাইজৰ বিপুল সমৰ্থনত বাস্তৱায়িত হোৱাৰ দিশে এখোজ আগুৱাই গ’লো ৷
