Titabar:তিতাবৰৰ কংগ্ৰেছৰ টিকট বঞ্চিত ভাস্কৰ বৰুৱাৰ দলত্যাগ

Titabar:

তিতাবৰৰ বিধায়ক ভাস্কৰ বৰুৱাৰ কংগ্ৰেছ ত্যাগ ৷ দলীয় টিকট লাভৰ পৰা বঞ্চিত হোৱাৰ পাছতে দেওবাৰে নিশা এপিচিচিৰ সভাপতি গৌৰৱ গগৈলৈ প্ৰেৰণ কৰে পদত্যাগ পত্ৰ ৷ সোমবাৰে নির্দলীয়ভাৱে মনোনয়ন দাখিল কৰিব ভাস্কৰ বৰুৱাই ৷

উল্লেখ্য যে তিতাবৰত কংগ্ৰেছ প্ৰাৰ্থী হিচাপে কংগ্ৰেছে দলীয় টিকট প্ৰদান কৰিছিল প্ৰাণ কুৰ্মীক ৷ যাৰবাবে সমষ্টিটোৰ দলীয় কৰ্মী সকলে ক্ষোভত ফাটি পৰে ৷ দেওবাৰ বিয়লিলৈকে বিধায়ক ভাস্কৰ বৰুৱাই দল এৰিবলৈ বিচৰা নাছিল যদিও সমৰ্থকৰ বিপুল দাবীত নটি স্বীকাৰ কৰি অৱশেষত মাজনিশাই দল এৰাৰ সিদ্ধান্ত গ্ৰহণ কৰে ৷ আজিয়ে ভাস্কৰ বৰুৱাই নির্দলীয়ভাৱে মনোনয়ন দাখিল কৰিব I