মণিপুৰত সংঘটিত এক ভয়ংকৰ বোমা বিস্ফোৰণত কেবাজনো লোক নিহত হোৱাৰ ঘটনাই সমগ্ৰ অঞ্চলত শোক ছাঁ পেলাইছে।
প্ৰাপ্ত তথ্য অনুসৰি, বিস্ফোৰণটো সংঘটিত হোৱাৰ সময়ত ঘটনাস্থলীত স্থানীয় বাসিন্দাসকল উপস্থিত আছিল। এই ভয়াৱহ ঘটনাত শিশুসহ একাধিক লোকৰ মৃত্যু হয় বুলি জানিব পৰা গৈছে, যাৰ ফলত পৰিস্থিতি অতি স্পৰ্শকাতৰ হৈ পৰিছে।
এই ঘটনাৰ তীব্ৰ নিন্দা কৰিছে মণিপুৰৰ মুখ্যমন্ত্ৰী এন. বীৰেন সিঙে(N. Biren Singh)। তেওঁ কয় যে, নিৰীহ লোক আৰু বিশেষকৈ শিশুসকলক লক্ষ্য কৰি কৰা এইধৰণৰ আক্ৰমণ একেবাৰে অমানৱীয় আৰু নিন্দনীয়। দোষীক কঠোৰ শাস্তি প্ৰদান কৰা হ’ব বুলি তেওঁ আশ্বাস দিয়ে।
প্ৰশাসনৰ ফালৰ পৰা ইতিমধ্যে ঘটনাটোৰ তদন্ত আৰম্ভ কৰা হৈছে আৰু দোষীসকলক চিনাক্ত কৰিবলৈ সুৰক্ষা বাহিনীয়ে অভিযান তীব্ৰ কৰিছে।
আহতসকলক তৎক্ষণাত ওচৰৰ চিকিৎসালয়লৈ নিয়াৰ ব্যৱস্থা কৰা হৈছে।
উল্লেখযোগ্য যে, মণিপুৰত দীৰ্ঘদিন ধৰি চলি থকা অশান্ত পৰিস্থিতিৰ মাজতে এইধৰণৰ ঘটনা পুনৰ সংঘটিত হোৱাত সুৰক্ষা ব্যৱস্থাক লৈ প্ৰশ্ন উত্থাপন হৈছে।
এই ঘটনাই ৰাজ্যখনত শান্তি-শৃংখলা পৰিস্থিতি অধিক জটিল কৰি তুলিছে।