কৰ’নাৰ আতংকত পৰিৱৰ্তন হ’ল আধুনিক সভ্যতাৰ ছবি

কৰ’নাৰ আতংকত পৰিৱৰ্তন হ’ল আধুনিক সভ্যতাৰ ছবিকলকাতা,২৪ মাৰ্চঃ কৰ’না ভাইৰাছৰ প্ৰকোপত সম্প্ৰতি বিশ্বৰ অধিকাংশ চহৰৰ বাসিন্দাসকল গৃহবন্দী হৈ আছে। ফলত অত্যাধুনিক চহৰসমূহৰ ৰাস্তা ঘাট আদিও খালী হৈ থকাৰ উপৰি পথত ঘূৰি ফুৰা গাড়ীৰ সংখ্যাও আঙুলিৰ মূৰত লেখিব পৰা ৷সমগ্ৰ বিশ্ববাসীয়েই এতিয়া কৰ’নাৰ আতংকৰ পৰিপেক্ষিতত বহুলাংশে হ্ৰাস পাইছে ব্যস্ততম চহৰসমূহৰ প্ৰদূষণৰ মাত্ৰা ৷একে সময়তে সলনি হৈ পৰিছে আধুনিক সভ্যতাৰ পৰিচিত ছবিখন ৷কৰ’নাৰ আতংকত এতিয়া মানুহ গৃহবন্দী হৈ থকাৰ পৰিৱৰ্তে সৰ্বত্ৰে মুক্ত বিচৰণ বন্যপ্ৰাণীৰ ।আনকি ব্যস্ত চহৰসমূহতো এতিয়া মুকলিমুৰীয়াকৈ বন্যপ্ৰাণীয়ে বিচৰণ কৰা পৰিলক্ষিত হৈছে। শেহতীয়াকৈ জাপানৰ নাৰা পাৰ্কৰ সংলগ্ন অঞ্চলৰ খালী ৰাস্তাত মুক্তমনে বিচৰণ কৰি আছে এজাক হৰিণাই ৷এই বিৰল প্ৰজাতিৰ ছিকা হৰিণাৰ বাসস্থান হৈছে জাপানৰ নাৰা বন্যপ্ৰাণী উদ্যান ৷দীৰ্ঘদিন ধৰি এইবিধ প্ৰাণী বন্যপ্ৰাণী উদ্যানখনত বসবাস কৰি আছে। এই মুক্ত বন্যপ্ৰাণী উদ্যানখন চাবলৈ অনেক পৰ্যটকৰ ভিৰ হয়। সম্প্ৰতি কৰ’নাৰ উপদ্ৰৱত জাপানৰ এই বন্যপ্ৰাণী উদ্যানখনো পৰ্যটকশূন্য হৈ পৰিছে ৷আনকি বন বিভাগৰ কৰ্মীসকলো গৃহবন্দী হৈ আছে ।এই পৰিস্থিতিতে ইয়াত থকা হৰিণাবোৰকো নিয়মিতৰূপে খাদ্য যোগান ধৰাটো বন্ধ হৈ পৰিছে ৷ সেয়ে খাদ্যৰ সন্ধানতে এতিয়া চহৰৰ পথসমূহত বিচৰণ কৰি ফুৰিছে ছিকা হৰিণাবোৰে ৷ইপিনে অনুৰূপ এক দৃশ্য পৰিলক্ষিত হৈছে কেলিফ’ৰ্নিয়াৰ পশ্চিম ওকলেণ্ডৰ বন্ধ বিদ্যালয়ৰ খেলপথাৰতো ।কৰ’না আতংকৰ বাবে বিদ্যালয় সম্প্ৰতি বন্ধ ৰখা হৈছে ।ইয়াৰ সুযোগতে স্কুলৰ খেলপথাৰত এতিয়া মুকলি মনেৰে ঘূৰি ফুৰিছে বনৰীয়া টাৰ্কি পক্ষীৰ দলে ৷সেইদৰে থাইলেণ্ডৰ লোপবুড়ি চহৰৰ বন্ধ বিদ্যালয়,শ্বপিংমলসমূহ এতিয়া জাক জাক বান্দৰৰ দখলত ।ইপিনে বিশ্বৰ বিশ্বৰ অতি ব্যস্ত চহৰৰসমূহৰ খালী ৰাস্তা ঘাটত এতিয়া প্ৰত্যক্ষ কৰা হৈছে অসংখ্য নাম নজনা পৰিভ্ৰমী চৰাই এইবোৰ দৃশ্য প্ৰত্যক্ষ কৰি কৰ’না আতংকৰ মাজতো বহুতৰে মনবোৰ কিছু ফৰকাল হৈছে ।প্ৰকৃতিক গড়ালত বন্দী কৰি ৰখা সভ্য সমাজখনে এতিয়া নিজেই চাৰি বেৰৰ ভিতৰত নিজকে আৱদ্ধ কৰি বন্দী হৈছে ৷ইয়াৰ বিপৰীতে ইমানদিনে গড়ালত বন্দী হৈ মুক্তিৰ পথ বিচাৰি থকা প্ৰাণীসমূহে এতিয়া লাভ কৰিছে সেই মুক্তিৰ স্বাদ ৷