হাইস্কুল শিক্ষান্ত পৰীক্ষাত ৰাজ্যৰ অষ্টম স্থান লাভ কৰি ৰাজ্যৰ লগতে তিনিচুকীয়া জিলাৰ ডুমডুমাৰ অন্নেষা চাংকাকতিয়ে গৌৰৱ কঢ়িয়াই আনিছে

সৰ্বমুঠ ৫৮৬ নম্বৰ লাভ কৰি অষ্টম স্থান লাভ কৰিছে ডুমডুমা ডনবস্ক হাইস্কুলৰ ছাত্ৰী অন্নেষা চাংকাকতিয়ে । ডুমডুমা ৰূপাইৰ তপোবনৰ নিবাসী ডুমডুমা সোণলাল হাইস্কুলৰ শিক্ষক ৰঞ্জু চাংকাকতি আৰু বীনা চাংকাকতিৰ সুযোগ্যা সন্তান অন্নেষাৰ সাফল্যত আনন্দিত পৰিয়ালৰ লগতে সমগ্ৰ ডুমডুমা অঞ্চল । ৰাজ্যৰ ভিতৰতে অষ্টম স্থান লাভ কৰি জিলাখনলৈ গৌৰৱ কঢ়িয়াই অন্নেষাই ভৱিষ্যতে ডিগবৈ আৰ ডি জুনিয়ৰ কলেজত নামভৰ্তি কৰি এগৰাকী সফল চিকিৎসক হোৱাৰ সপোন দেখিছে ।