ভাৰত বনাম ইংলেণ্ড ছিৰিজৰ নতুন নামকৰণ কৰিব বিচাৰিছে ইংলেণ্ডৰ প্ৰাক্তন স্পিনাৰ মণ্টি পানেছাৰে । পানেছাৰৰ অনুসৰি ভাৰতৰ সৰ্বাধিক টেষ্ট ৰাণ কৰা খেলুৱৈ হৈছে শচীন তেণ্ডুলকাৰ আৰু ইংলেণ্ডৰ হৈছে অলেষ্টেৰ কুক । সেয়ে ছিৰিজৰ নাম তেণ্ডুলকাৰ-কুক ট্ৰফী হিচাপে নামকৰণ কৰিব বিচাৰে তেওঁ ।
বুধবাৰে ভাৰতীয় ব’ৰ্ডক টুইট কৰি এই দাবী জনায় পানেছাৰে । টুইটত লিখে, ইংলেণ্ড বনাম ভাৰত টেষ্টৰ নাম তেণ্ডুলকাৰ-কুক ট্ৰফী ৰখা হওক । নিজৰ দেশৰ হৈ আটাইতকৈ বেছি উইকেট তেওঁলোকৰেই দখলত । আমি জানো শচীন এজন কিংবদন্তি, কিন্তু তেওঁৰ নামত এটাও ট্ৰফী নাই । কিছুসংখ্যক নেতাই দুই দলৰ ছিৰিজৰ নাম ভজ্জি-পানেছাৰ ৰাখিব বিচাৰে । এই সন্দৰ্ভত ইংলেণ্ডৰ স্পিনাৰে লিখে, ‘হৰভজন-পানেছাৰ ট্ৰফী নাম ৰখা হ’ল হয়, যদি আমি তিনিশৰ অধিক উইকেট লাভ কৰিলো হয় ।’
Eng v India test series should be called "Tendulkar Cook trophy " because both have highest test runs for their countries,they played a lot against eachother and we know Tendulkar is the biggest legend and we dont have a series named after him. @englandcricket @BCCI #INDvENG
— Monty Panesar (@zkp_scroll) February 10, 2021
একাংশ নেতাই পানেছাৰৰ স’তে একমত নহয় যদিও তেওঁলোকে কয় যে ইয়ান ব’থাম আৰু কপিল দেৱৰ নামেৰে নামাকৰণ কৰিব পাৰি ছিৰিজৰ । কাৰণ শচীনৰ স’তে কুকুক সম আসনত বহোৱা সম্ভৱ নহয়, সেয়ে ব’থাম-কপিল নামটোৱে সঠিক ।
"Harbhajan Panesar trophy " would have worked if I had 300 plus test wickets #INDvENG #Cricket
— Monty Panesar (@zkp_scroll) February 10, 2021
ইংলেণ্ডৰ বিৰুদ্ধে ভাৰতৰ খেলপথাৰত অনুষ্ঠিত টেষ্ট ছিৰিজৰ নাম এণ্ট’নি ডি মেল’ ট্ৰফী । তেওঁ ভাৰতীয় ব’ৰ্ডৰ অন্যতম প্ৰতিষ্ঠাপক আছিল । ইংলেণ্ডৰ খেলপথাৰত এই দুই দলৰ যি টেষ্ট ছিৰিজ আয়োজন কৰা হৈছিল তাৰ নাম আছিল পটৌডি ট্ৰফী ।
