চীনৰ পশ্চিমাঞ্চলত প্ৰলয়ংকাৰী বান, ১৬ জনৰ মৃত্যু

চুবুৰীয়া দেশ চীনৰ বিভিন্ন স্থানত যোৱা এপষেক ধৰি অব্যাহত থকা মুষলধাৰ বৰষুণৰ ফলত বহুবোৰ স্থানত বানে ভয়ংকৰ ৰূপ ধাৰণ কৰিছে ৷

দেশখনৰ পশ্চিম কিংহাই প্ৰদেশত সংঘটিত হোৱা প্ৰলংকাৰী বানত মৃত্যু হয় প্ৰায় ১৬ জন লোক ৷

আনহাতে, সন্ধানহীন হৈ আছে ৩৬ জন লোক ৷ ধাৰাসাৰ বৃষ্টিপাতৰ বাবে হোৱা ভূমিস্খলনত পাহাৰীয়া অঞ্চল সমুহৰ জীৱন যাত্ৰা ব্যাহত হৈ পৰিছে ৷

ডাটং হুই আৰু টু স্বায়ত্তশাসিত চহৰতো দহফুট পৰ্যন্ত পানী হয় ৷ বহু বাসগৃহৰ প্ৰথম মহলা পানীত ডুব যোৱাৰ লগতে বানত আৱদ্ধ আবাসী সকলক জিনিং চহৰৰ দুৰ্যোগ প্ৰশমন বিভাগে নাও আৰ বটৰে নিৰাপদ স্থানলৈ স্থানান্তৰিত কৰিছে ৷