Happy Birthday Shah Rukh Khan :
বলিউডৰ কিং খানৰ জন্মদিন মানেই বেন্দ্রাৰ ‘মন্নত’ৰ সন্মুখত সহস্ৰাধিক অনুৰাগীৰ ঢৌ । প্রিয় অভিনেতাক এবাৰ চোৱাৰ অপেক্ষাত অনুৰাগীসকলে এই দিনটোত ভিৰ কৰে শ্বাহৰুখৰ ৰাজপ্রাসাদৰ বাহিৰত । সকলোৰে বাবে জন্মদিন মানে বিশেষ দিন ।
প্রতি বছৰে জন্মদিনৰ আৰম্ভণিতেই মাজনিশা মন্নতৰ বেলকনিত দেখা দিয়ে শ্বাহৰুখে । পুত্ৰ আব্রাহমৰ জন্মৰ পাছতেই এই বিশেষ দিনত পিতৃৰ স’তে দেখা যায় তেওঁকো । চলিত বছৰতো বিপৰীত নহয় । ১২ বজাৰ পাছতেই মন্নতৰ বেলকনিত আহি অনুৰাগীসকলক উদ্দেশ্যি হাত জোকাৰে তেওঁ, নমস্কাৰ কৰে, সকলোকে উদ্দেশ্যি ।
আজি সন্ধিয়া অনুৰাগীসকলক উদ্দেশ্যি টুইট কৰে বাদছাহে । এটা ছবি প’ষ্ট কৰিছে য’ত বগা টি-শ্বার্ট পৰিধান কৰা দেখা গৈছে । মন্নতৰ তলত জনসুমদ্র । অনুৰাগীসকলক কৃতজ্ঞতা প্রকাশ কৰি লিখে, ‘সমুদ্রৰ কাষত থাকি ভাল লাগে । মোৰ জন্মদিনত মোৰ চাৰিওপাশ আৱৰি আছে এই ভালপোৱাৰ সমুদ্রই । ধন্যবাদ । মোক বিশেষ ভবাৰ বাবে কৃতজ্ঞ… আৰু সুখী ।’
It’s so lovely to live in front of the sea…..the sea of love that spreads all around me on my birthday….thank u. Grateful for making me feel so special….& happy. pic.twitter.com/cUjOdqptNu
— Shah Rukh Khan (@iamsrk) November 2, 2022