Accident :
উত্তৰ ছিকিমৰ লাচেনত সেনাৰ বাছ দুৰ্ঘটনা । পথৰ পৰা বাছখন দ খাৱৈত পৰে । এই দুৰ্ঘটনাত বাছত থকা ১৬ জন জোৱানৰ মৃত্যু হৈছে । গুৰুতৰভাৱে আহত হৈছে চাৰিজন । বাছখনত ২০ জন সেনা জোৱান আছিল ।
সেনা সূত্রে জানিব পৰা গৈছে, শুকুৰবাৰে পুৱা উত্তৰ ছিকিমৰ লাচেনৰ পৰা প্রায় ১৫ কিলোমিটাৰ দূৰত জেমা নামক অঞ্চলত তিনিখন কনভয় লৈ থাংগুৰৰ দিশে আগবাঢ়িছিল সেনাৰ এই বাছখন ।
সেই সময়তে বাছখন পাহাৰৰ এঁকা-বেঁকা বাটত নিয়ন্ত্রণ হেৰুৱায় চালকে । গভীৰ খাৱৈত পৰি যায় বাছখন ।
ইতিমধ্যে উদ্ধাৰকাৰ্য আৰম্ভ হৈছে । সেনাৰ তৰফৰ পৰা ঘটনাস্থলীত উদ্ধাৰকাৰী দল প্ৰেৰণ কৰা হৈছে । গুৰুতৰভাৱে আহত চাৰিজনক হেলিকপ্টাৰেৰে স্থানীয় হাস্পাতাললৈ লৈ যোৱা হৈছে ।
16 Army personnel have lost their lives, four injured in a road accident involving an Army truck at Zema, North Sikkim. The accident happened when the vehicle skidded down a steep slope while negotiating a sharp turn: Indian Army pic.twitter.com/qkulDm99Gp
— ANI (@ANI) December 23, 2022
নিহত সেনাসকলৰ নশ্বৰ দেহ মৰণোত্তৰ পৰীক্ষাৰ বাবে গেংটকৰ এছটিএনএম হাস্পাতাললৈ লৈ যোৱা হৈছে । যদিও মৃত সেনা জোৱানসকল কোন ৰেজিমেন্টৰ সদস্য, সেয়া এতিয়াও জানিব পৰা হোৱা নাই । মৃতসকলৰ ভিতৰত তিনিজন অফিচাৰ পদমর্যাদাৰ ।
এই ঘটনাত শোকপ্রকাশ কৰিছে কেন্দ্ৰীয় প্রতিৰক্ষামন্ত্রী ৰাজনাথ সিঙে । তেওঁ এটা টুইটত লিখিছে, “উত্তৰ ছিকিমত গাড়ী দুর্ঘটনাত সেনা জোৱানৰ মৃত্যুত মই গভীৰভাৱে শোকাহত । মৃতসকলৰ পৰিয়ালক মই সমবেদনা জনাওঁ । মৃত সেনা জোৱানসকলৰ ত্যাগ আৰু প্রতিশ্রুতিৰ বাবে সমগ্ৰ দেশ তেওঁলোকৰ প্রতি চিৰকৃতজ্ঞ হৈ ৰ’ব ।”
Deeply pained by the loss of lives of the Indian Army personnel due to a road accident in North Sikkim.
The nation is deeply grateful for their service and commitment. My condolences to the bereaved families. Praying for the speedy recovery of those who are injured.
— Rajnath Singh (मोदी का परिवार) (@rajnathsingh) December 23, 2022