Accident in Narayanpur:নাৰায়নপুৰৰ ভোগপুৰত পুৱাই সংঘটিত শোকাৱহ দুৰ্ঘটনাত প্ৰাণ গ’ল এজনৰ

দৈনিক অগ্ৰদূত ডিজিটেল ডেস্ক:নাৰায়নপুৰৰ ভোগপুৰত বুধবাৰে পুৱাই সংঘটিত এক শোকাৱহ দুৰ্ঘটনাত প্ৰাণ গ’ল এজনৰ ৷ ১৫ নং ৰাষ্ট্ৰীয় ঘাইপথৰ ভোগপুৰত প্রাতঃভ্রমণ কৰিবলৈ ঘৰৰ পদুলীৰ পৰা ৰাজপথত উঠোতেই তীব্ৰ গতিত অহা এখন অচিনাক্ত বাহনে ঘৰৰ সন্মুখতে মহতিয়াই নিলে লোকজনক ৷ নিহত লোকজন ৰঞ্জন শইকীয়া বুলি জানিব পৰা গৈছে ৷ সৰবৰহী লোকজনৰ আকস্মিক মৃত্যুত শোকাহত হৈ পৰে সমগ্ৰ ভোগপুৰ অঞ্চল ৷ আনহাতে দুৰ্ঘটনাৰ পিছতে আৰক্ষী উপস্থিত হৈ নিহত লোকজনৰ নশ্বৰদেহ মৰনোত্তৰ পৰীক্ষাৰ বাবে এলএমচিএইছলৈ প্ৰেৰণ কৰি দুৰ্ঘটনা সংঘটিত কৰা অচিনাক্ত বাহন খনৰ সন্ধানত অভিযান চলাইছে ৷