Maan Ki Baat 100 Episode:
প্ৰধানমন্ত্ৰী নৰেন্দ্ৰ মোদীৰ জনপ্ৰিয় ৰেডিঅ’ অনুষ্ঠান ‘মন কী বাত- এ আজি ১০০ সংখ্যক খণ্ডটি এক ঐতিহাসিক ক্ষণ হিচাপে বিবেচিত হয় ৷ ইতিমধ্যে পুৱা এঘাৰ বজাৰ পৰা আধাঘন্টাৰ বাবে সম্প্ৰচাৰিত ৰেডিঅ’ অনুষ্ঠান মন কী বাতত আজি খণ্ডটিত প্ৰধানমন্ত্ৰী মোডীয়ে কেতবোৰ গুৰুত্বপূৰ্ণ বিষয় আলোকপাত কৰে ৷
উল্লেখ্য যে,জনপ্ৰিয় ৰেডিঅ’ অনুষ্ঠানৰ জৰিয়তে প্ৰধানমন্ত্ৰী গৰাকীয়ে প্ৰতি মাহে দেশবাসীৰ সৈতে পোনপটীয়া বাৰ্তালাপত অংশ লয় ৷ ২০১৪ বৰ্ষৰ ৩ অক্টোবৰত আকাশবাণী আৰু দূৰদৰ্শনত প্ৰথমবাৰৰ বাবে প্ৰধানমন্ত্ৰী নৰেন্দ্ৰ মোদীৰ ‘মন কি বাত’ সম্প্ৰচাৰ হৈছিল।
আজি পুৱা ১১ বজাত সম্প্ৰচাৰ হোৱা এই অনুষ্ঠানৰ উপলক্ষে বিজেপিয়ে দেশজুৰি বিশেষ প্ৰস্তুতি চলাইছিল। এই খণ্ডটো এহেজাৰৰো অধিক ৰেডিঅ’ ষ্টেচনৰ পৰা সম্প্ৰচাৰ কৰা হয়। যাৰ ভিতৰত টিভি চেনেল, ব্যক্তিগত ৰেডিঅ’ ষ্টেচন আৰু কমিউনিটি ৰেডিঅ’ অন্তৰ্ভুক্ত আছে। স্মতৰ্ৱ্য যে, ‘মন কি বাত’ অনুষ্ঠানটো প্ৰতি মাহৰ শেষ দেওবাৰে প্ৰচাৰিত হয়।
আনহাতে ৰাষ্ট্ৰসংঘৰ মুখ্য কাৰ্যালয়তো ‘মন কী বাত’ৰ কাৰ্যসূচী ৷ ৰাষ্ট্ৰসংঘৰ পৰিষদীয় সদস্যৰ চেম্বাৰত প্ৰচাৰৰ ব্যৱস্থা লোৱা হয় ৷য’ত অংশ লয় নিউ জাৰ্চিৰ নিমন্ত্রিত প্রবাসী ভাৰতীয়ই ৷
আজি মন কী বাতত প্ৰধানমন্ত্ৰী মোডীয়ে জম্মু আৰু কাশ্মীৰৰ পেঞ্চিল শ্লেটৰ বিষয়ে কওঁতে মঞ্জুৰ আহমেদৰ কথাও প্ৰধানমন্ত্ৰীয়ে উল্লেখ কৰে। তেওঁ ‘মন কি বাত’ত মঞ্জুৰ আহমেদৰ সৈতেও কথা পাতিছিল আৰু তেওঁৰ কামৰ বিষয়ে ৷তেওঁৰ স’তে প্ৰধানমন্ত্ৰী গৰাকীয়ে মনবিনিময় কৰে ৷
‘মন কি বাত’ত কয়, ‘‘এনে বহুতো অভিযান আমাৰ নাৰী শক্তিৰ দ্বাৰা পৰিচালিত হৈছে আৰু ‘মন কি বাত’ তেওঁলোকৰ প্ৰচেষ্টাক আলোকপাত কৰাৰ এক মঞ্চ হৈ পৰিছে।’’
একেদৰে প্ৰধানমন্ত্ৰীয়ে আধাঘন্টা বাবে সম্প্ৰচাৰিত আজিৰ ‘মন কী বাত’ত মণিপুৰৰ বিজয়শান্তি দেৱী নামৰ এগৰাকী মহিলাৰ সৈতে কথোপকথন কৰে ৷ মহিলা গৰাকীয়ে পদুমৰ আঁহৰ পৰা কাপোৰ তৈয়াৰ কৰি উলিয়াইছে। প্ৰধানমন্ত্ৰীয়ে মোদীয়ে কয় যে, মোৰ পূৰ্ব কেইটামান খণ্ডত বিজয়শান্তি দেৱীৰ কথা উল্লেখ কৰা হৈছিল বুলি উল্লেখ কৰ।
বিজয়শান্তিৰ অনন্য পৰিৱেশ-অনুকূলৰ ধাৰণাটোৰ বিষয়ে ‘মন কি বাত’ত আলোচনাৰ পিছতেই তেওঁৰ কাম অধিক জনপ্ৰিয় হৈ পৰিছিল।
আনহাতে প্ৰধানমন্ত্ৰী মোদীয়ে বন্দৰ নগৰী বিশাখাপত্তনম নিবাসী ভেংকট মুৰলী প্ৰসাদৰ কথাও আজি মনকী বাতত উল্লেখ কৰি কয়, ‘‘মোৰ মনত আছে, বিশাখাপত্তনমৰ ভেংকট মুৰলী প্ৰসাদজীয়ে এখন স্বাৱলম্বী ভাৰতৰ তালিকা শ্বেয়াৰ কৰিছিল। তেওঁ কৈছিল কেনেকৈ তেওঁ অধিকতকৈ অধিক ভাৰতীয় সামগ্ৰী ব্যৱহাৰ কৰিব।’’
উল্লেখ্য যে,মন কী বাতৰ’অনুষ্ঠানক লৈ বিজেপিয়ে ব্যাপক প্ৰচাৰ চলায় ৷ দেশৰ ৪ লাখ স্থানত সম্প্ৰচাৰিত কৰাৰ লক্ষ্য স্থিৰ কৰি তৎপৰ হৈ পৰে দেশৰ শাসনাধিষ্ঠ দলটো ৷
আনপিনে অসমতো মন কী বাতক লৈ ৰাজ্য চৰকাৰ আৰু অসম ৰাজ্যিক বিজেপিয়ে মহানগৰীৰ বশিষ্টৰ বাজপেয়ী ভৱনত ব্যাপক আয়োজন কৰে ৷ বৃহৎ আকাৰৰ এল চি ডি ব্যৱস্থা কৰা হয় ৷
মন কী বাতৰ অনুষ্ঠানত মুখ্যমন্ত্ৰী ড:হিমন্ত বিশ্ব শৰ্মা,ৰাজ্যিক বিজেপিৰ সভাপতি ভৱেশ কলিতা সহ কেইবা গৰাকী সাংসদ, মন্ত্ৰী আৰু বিধায়কসকলে অংশগ্ৰহণ কৰে ৷
ইপিনে ৰাজভৱনৰ দৰবাৰ হলত ‘মন কী বাত’ বিশেষ কাৰ্যসূচী লোৱা হয় ৷ অনুষ্ঠানত ভাগ লয় ৰাজ্যপাল গোলাব চান্দ কাটাৰীয়া সহ ৰাজভৱনৰ বিষয়া – কৰ্মচাৰীয়ে ৷
