Gold prices rise again:
এটা সময় আছিল যেতিয়া ভাৰতত মাত্র ২০ টকাত উপলব্ধ হৈছিল ১০ গ্রাম পকা সোণ (২৪ কেৰেট)। এই কথা এতিয়া শুনিলে বাস্তৱ যেন বোধ নহয়। বিগত এশ বছৰত সোণৰ দমৰ মূল্য দেশত অভাৱনীয় পৰিৱৰ্তন হৈছে। এতিয়া দেশৰ বহু মহানগৰীতে ১০ গ্রাম সোণৰ দাম ৮০ হেজাৰ বা ততোধিক। ক্রমশঃ ঊর্ধ্বমুখী হৈছে ভাৰতীয় মধ্যবিত্তৰ হেঁপাহৰ ধাতু সোণৰ মূল্য। সোণৰ মূল্য অধিক বৃদ্ধি হ’ব বুলি ধৰণা কৰা হৈছে।
ইতিহাসৰ পৃষ্ঠা মেলিলে দেখা যায় যে ১৯২৫ত অর্থাৎ প্রায় এশ বছৰ পূৰ্বে ১০ গ্রাম সোণৰ দাম আছিল ১৮.৭৫ টকা। পৰৱৰ্তী বছৰবোৰত সোণৰ দাম আৰু বহু পৰিমাণে হ্রাস হয়। কলকাতাৰ দৰে মহানগৰীত ১০ গ্রাম পকা সোণ ১৮.৫ টকাত বিক্রী হৈছিল। সেয়া আছিল ১৯৩৫ৰ কথা। ইয়াৰ পাছত পাঁচ বছৰ ভয়ংকৰ বক্তাক্ত সংঘর্ষত লিপ্ত হয় বিশ্বৰ প্রায় প্রতিখন দেশ। সেয়া আছিল দ্বিতীয় বিশ্বযুদ্ধৰ সময়। ১৯৩৯ত ইউৰোপত যুদ্ধআৰম্ভ হোৱাৰ লগে লগে বিশ্বৰ বজাৰত হোৰাহোৰে বৃদ্ধি পায় এই হালধীয়া ধাতুৰ দাম। ১৯৪০৩ ১০ গ্রাম সোগৰ দাম হয় ৩৬.০৫ টকা।
১৯৪৫ত জাপানত হিৰোছিমা- নাগাচাকিত আমেৰিকাৰ পৰমাণু আক্রমণৰ পাছত অন্ত পৰে বিশ্ব যুদ্ধৰ। এই পাঁচ বছৰ ভাৰতৰ বজাৰত প্রায় দুগুণ হৈছিল সোণৰ দাম। যুদ্ধৰ শেষৰ বছৰত দেশৰ ১০ গ্রাম সোণ কিনিবলৈ প্রয়োজন হৈছিল ৬২ টকা। ১৯৪৭ত দেশ স্বাধীন হোৱাৰ বছৰটোত এই মূল্য ৮৮.৬২লৈ বৃদ্ধি হৈছিল।
১৯৫০ৰ ২৬ জানুৱাৰীত দেশত প্ৰৱৰ্তন কৰা হয় সংবিধান। সোণৰ মূল্যই তেতিয়া ১০ গ্রামত এশ টকা স্পর্শ কৰিবলৈ লৈছে। ১০ গ্রাম সোণৰ দাম তেতিয়া আছিল ৯৯.১৮ টকা। অৱশ্যে পাঁচ বছৰৰ মূৰত সোণৰ দাম হ্রাস পাইছিল। ১৯৫৫৩ প্রতি ১০ গ্রাম সোণৰ মূল্য স্থিৰ হয় ৭৯.১৮ টকা।
১৯৫৯৩ প্ৰথমবাৰৰ বাবে সোণৰ মূল্য হয় এশ টকাতকৈ অধিক। আনকি ১৯৬২ৰ ভাৰত-চীনৰ যুদ্ধৰ সময়ত সোণৰ দাম ১১৯.৭৫ টকা হয়। অৱশ্যে এই যুদ্ধৰ অৱসানৰ পাছত ভাৰতত সোণৰ মূল্য ৯৭ টকালৈ নামিছিল। সোণৰ মূল্য হ্ৰাসৰ এই ধাৰা পৰৱৰ্তী কিছু কিছু সময়লৈ অব্যাহত থাকে। ১৯৬৪ত ১০ গ্রাম সোণৰ মূল্য ৬৩.২৫ টকা হয়। অৱশ্যে ইয়াৰ পাছৰ বছৰ হঠাৎ পাকিস্তানে ভাৰত আক্ৰমণ কৰাত দেশত প্রতি ১০ গ্রাম সোণৰ দাম ৭১.৭৫ টকা হয়। এই মূল্যত বজাৰে-সমাৰে সোণ বিক্রী হৈছিল।
অৱশ্যে ১৯৬৫ৰ ভাৰত-পাকিস্তান যুদ্ধৰ অন্ত পৰাৰ কিছু বছৰ পাছলৈ সোণৰ দাম হ্রাস পোৱা নাছিল। ইয়াৰ বিপৰীতে এই মহামূল্যবান ধাতুৰ মূল্য বৃদ্ধিহে পায়। আনকি ১৯৭০৩ ১০ গ্রাম সোণৰ মূল্য ১৮৪.৫ টকা আৰু ১৯৭১৩ ১৯৩ টকা হৈছিল। ১৯৭১ৰ যুদ্ধত ভাৰতে পাকিস্তান ভাঙি স্বাধীন বাংলাদেশ গঠন কৰাৰ পাছত সোণৰ দাম বৃদ্ধি পায়। ১৯৭২ত প্রতি ১০ গ্রাম সোণৰ মূল্য ২০০ টকা হৈছিল। ইয়াৰ পাঁচ বছৰৰ ভিতৰতে তদানীন্তন প্রধানমন্ত্রী ইন্দিৰা গান্ধীয়ে জৰুৰী অৱস্থা ঘোষণা কৰাত সোণৰ মূল্য দুগুণ বৃদ্ধি পায়। আনকি ১৯৭৫ত খুচুৰা বজাৰত প্ৰতি ১০ গ্রাম সোণৰ মূল্য ৫৪০ টকা হৈছিল।
আনহাতে, জৰুৰী অৱস্থাৰ পৰৱৰ্তী সময়ত ১৯৭৭ত সোণৰ দাম কিছু হ্রাস পায়। তদানীন্তন মোৰাৰজী দেশাই চৰকাৰৰ দিনত সোণৰ দাম ৪৮৬ টকা হৈছিল। অৱশ্যে ১৯৮০ত সোণৰ মূল্যই ভাৰতত এহেজাৰৰ ঘৰ অতিক্ৰম কৰে। প্রধানমন্ত্রী গান্ধী হত্যাৰ বছৰটো (১৯৮৪)ত দেশত প্রতি ১০ গ্রাম সোণৰ মূল্য ১,৯৭০ টকা হৈছিল। আনকি ইয়াৰ পাছৰ বছৰ এনে পৰিমাণৰ সোণৰ মূল্য ২,১৩০ টকা হয়।
আনহাতে, ১৯৯১৩ পিভি নৰসিংহ ৰাও চৰকাৰৰ দিনত ভাৰতে উদাৰীকৰণ নীতি গ্ৰহণ কৰাৰ সমান্তৰালভাৱে সোণৰ দাম বৃদ্ধি পাবলৈ ধৰে। আনকি তেতিয়া খুচুৰা বজাৰত প্রতি ১০ গ্রাম সোণৰ মূল্য ৩,৪৬৬ টকা হয়। উক্ত দশকত সোণৰ দাম ঊর্ধ্বগামী হৈ থাকে। সেই দশকৰ অন্তিমফালে ভাৰত-পাকিস্তানৰ মাজত পুনৰ যুদ্ধ হয়। ১৯৯৯৩ প্রতি ১০ গ্রাম সোণৰ মূল্য ৪,২৩৫ টকা হৈছিল। ইয়াৰ পাছৰ বছৰ এনে পৰিমাণৰ সোণৰ মূল্য ৪,৪০০ টকালৈ বৃদ্ধি পায়। পৰৱৰ্তী কালত ২০০৪-০৫ৰ সময়ছোৱাত খুচুৰা বজাৰত সোণৰ মূল্য প্রায় এহেজাৰ টকাৰ বৃদ্ধি ঘটে।
এই দুটা বছৰত গড় হিচাপত সোণৰ দাম ৫,৮৫০ টকা পৰা সাত হেজাৰ টকাৰ ভিতৰত থাকে। আশ্চর্যজনক যে ইয়াৰ পাঁচ বছৰৰ পাছতে সোণৰ মূল্য ১৮,৫০০ টকাৰো অধিক হয়। পৰৱৰ্তী সময়ত ২০১৪ত দেশত প্রতি ১০ গ্রাম সোণৰ মূল্য ২৮,০০৬ টকা হয়। অৱশ্যে প্রধানমন্ত্রী নৰেন্দ্ৰ মোদীৰ প্রধানমন্ত্রিত্বৰ প্ৰথমটো বছৰত সোণৰ মূল্য ২৬ হেজাৰ টকালৈ হ্রাস পাইছিল।
আনহাতে, কৰ’না মহামাৰীৰ আগমন ঘটাৰ পাছত অর্থাৎ ২০২০ত ভাৰতত প্রতি ১০ গ্রাম সোণৰ মূল্য ৪৮,৬৫১ টকা হয়। ২০২৩ত ৰাছিয়া-ইউক্রেইনৰ মাজত সূত্রপাত ঘটা যুদ্ধৰ প্ৰভাৱত ভাৰতকে ধৰি বিশ্বৰ বিভিন্ন দেশত সোণৰ দাম অধিক বৃদ্ধি পায়। এই ধাৰা বর্তমানেও অব্যাহত আছে।
আনকি যোৱা বছৰ কলকাতাৰ বজাৰত প্ৰতি ১০ গ্রাম পকা সোণৰ মূল্যই ৭৭,৯১৩ টকাক স্পর্শ কৰে। অৱশ্যে যোৱা জানুৱাৰীত বজাৰত ১০ গ্রাম সোণৰ গহনা ৭৭ হেজাৰ টকাত বিক্রী হয়। আনহাতে, সম্প্রতি বজাৰত ২৪ কেৰেটৰ সোণৰ মূল্য (প্রতি ১০ গ্রামত) ৮১,০৫০ টকা।
