Guwahati Rajib bhawan:
অসম প্রদেশ কংগ্রেছৰ সভাপতিৰূপে সোমবাৰে দায়িত্বভাৰ গ্রহণ কৰিব লোকসভাৰ বিৰোধী উপ-দলপতি তথা যোৰহাটৰ কংগ্ৰেছ সাংসদ গৌৰৱ গগৈয়ে। সোমবাৰে নিশা গুৱাহাটী উপস্থিত হয় সাংসদ গগৈ ৷
আনহাতে আজি পুৱা তেওঁ কামাখ্যা মন্দিৰ দৰ্শন কৰি পুৰ্জা – অৰ্চনা কৰে ৷ ইয়াৰ পিছতে তেওঁ ৰাওনা হয় প্ৰদেশ কংগ্ৰেছৰ কাৰ্যায়াল ৰাজীৱ ভৱন ৷ ৰাজীৱ ভৱনত উপস্থিত হোৱাৰ পিছতে গগৈক গায়ন- বায়নেৰে আদৰি নিয়া হয় ৷ সহস্ৰাধিক কংগ্ৰেছ নেতা- কৰ্মীয়ে উস্ম আদৰণি জনায় ৷ উপস্থিত থাকে কংগ্ৰেছৰ সাংসদ- বিধায়ক আৰু এপিচিচিৰ নেতা- কৰ্মী ।
উল্লেখ্য যে সভাপতিৰূপে নিযুক্তি লাভৰ পাছত যোৱা ৩১ জুলাইত যোৰহাটত উপস্থিত হোৱা সাংসদজনে দুদিনীয়া বিস্তৃত কাৰ্যসূচীৰ মাজেৰে সোমবাৰে নিশা গুৱাহাটীত উপস্থিত হয়।
প্রথম দিনা যোৰহাট, তিতাবৰ,মৰিয়নি, নাজিৰা হৈ শিৱসাগৰত উপস্থিত হৈ কংগ্রেছ নেতাজনে সোমবাৰে টীয়ক, দেৰগাঁও, বোকাখাত হৈ নগাঁৱত উপস্থিত হয়। এই সময়ছোৱাত তেওঁ ঠায়ে ঠায়ে কংগ্ৰেছৰ নেতা-কর্মী-সমর্থকসকলে বিপুলভাবে আদৰণি জনায়। সোমবাৰে পুৱা প্ৰদেশ কংগ্ৰেছৰ নবনির্বাচিত সভাপতিজনে বটদ্রবা থানত উপস্থিত হৈ সেরা জনায় আৰু ইয়াৰ পাছতে নগাঁও, মৰিগাঁও, ডিমৰীয়াৰ বহুকেইটা স্থানত কংগ্ৰেছৰ নেতা-কর্মীৰ পৰা সম্ভাষণ লৈ গুৱাহাটীত উপস্থিত হয়। সাংসদজনে বিজেপি চৰকাৰ আৰু মুখ্যমন্ত্রী ড: হিমন্ত বিশ্ব শৰ্মাক কঠোৰ সমালোচনাৰ লক্ষ্য কৰি লৈ তীব্র কটাক্ষ কৰে।
মুখ্যমন্ত্ৰীৰ নৈতিকতাৰ পাঠ অসমীয়া মানুহক প্রয়োজন নাই বুলি উল্লেখ কৰি তেওঁ কয়, ‘মুখ্যমন্ত্রী ড° হিমন্ত বিশ্ব শৰ্মাৰ মুখৰ পৰা যেতিয়া নৈতিকতাৰ পাঠ শুনো, তেতিয়া হাঁহি উঠে। অসমৰ জনতাক মুখ্যমন্ত্রী ড° শৰ্মাই নৈতিকতাৰ পাঠ পঢ়াব ! তেওঁৰ ইতিহাস সকলোৱে জানে। সেয়ে নৈতিকতাৰ চার্টিফিকেট মুখ্যমন্ত্রী ড° শৰ্মাৰ পৰা কেৱল মোকে নহয়, কোনো অসমীয়া মানুহকে নালাগে।’
উল্লেখ্য যে গুৱাহাটী অভিমুখে অহা যাত্রাপথত সাংসদ গগৈয়ে চাওতাল জনগোষ্ঠীৰ প্ৰথমগৰাকী এমবিবিএছ আৰু তেওঁৰ পৰিয়ালক সাক্ষাৎ কৰাৰ লগতে গোভা ৰজাক সাক্ষাৎ কৰে। একেদৰে মহানগৰীৰ বোন্দাত ভূমিস্খলনত প্রাণ হেৰুওৱা পৰিয়ালৰ গৃহতো তেওঁ উপস্থিত হয়।
