Maoist:✒️চত্তীশগড়ৰ বনাঞ্চলত নিৰাপত্তাৰক্ষীৰ স’তে হোৱা বন্দুকৰ যুঁজত নিহত দুই মাওবাদী নেতা। দুয়োৰে মূৰৰ দাম আছিল ৩৫ লাখ টকা। চত্তীশগড় জিলাৰ মোহলা-মানপুৰ-আমগড় চৌকী জিলাৰ মদনৱাড়া বনাঞ্চলত মাওবাদী আত্মগোপন কৰি থকা বুলি এক গোপন সূত্ৰৰ পৰা নিৰাপত্তাৰক্ষীয়ে তথ্য লাভ কৰে।
সেই তথ্যৰ ভিত্তিত বুধবাৰে নিশা যুটীয়া বাহিনীয়ে বনাঞ্চলত অভিযান চলায়।
চত্তীশগড় আৰক্ষীৰ ‘ডিষ্ট্ৰিক্ট ৰিজাৰ্ভ গাৰ্ড’ (ডি আৰ জি) আৰু অৰ্ধসামৰিক বাহিনী ‘ইণ্ডো-তিব্বত সীমান্ত আৰক্ষী’ চমুকৈ আই টি বি পিৰ যৌথভাৱে অৰণ্যত অভিযান চলায়।
মদনৱাড়াৰ এই বনাঞ্চলখন চত্তীশগড়ৰ কংকেৰ জিলাৰ গাতে লাগি আছে। মাওবাদীসকলে এই অৰণ্যখন প্ৰশিক্ষণ আৰু অস্ত্ৰ লুকুৱাবলৈ ব্যৱহাৰ কৰে।
বুধবাৰে নিৰাপত্তা বাহিনীয়ে বনাঞ্চলৰ ভিতৰত কেবাজনো মাওবাদী নেতা সমবেত হোৱাৰ তথ্য লাভ কৰে।
অৰণ্যত প্ৰৱেশ কৰাৰ লগে লগে মাওবাদীৰ স’তে সংঘৰ্ষ আৰম্ভ হয়।এই সংঘৰ্ষত মাওবাদী নেতা বিজয় ৰেড্ডী আৰু লোকেশ চালাম নিহত হয়। বিজয় মাওবাদীৰ দণ্ডকাৰণ্য বিশেষ খণ্ড সমিতিৰ সদস্য আছিল। তেওঁৰ মূৰত দাম আছিল ২৫ লাখ টকা।
লোকেশ মাওবাদীৰ এখন আঞ্চলিক সমিতিৰ সদস্যও। তেওঁৰো মূৰত ১০ লাখ টকাৰ দাম আছিল।
এসময়ত অন্ধ্ৰ প্ৰদেশৰ বাসিন্দা বিজয়ে ১০ বছৰতকৈও অধিক সময় ধৰি তিছাগড়ৰ সীমান্তৱৰ্তী অঞ্চল ৰাজনান্দগাঁৱত সক্ৰিয় হৈ আছে।
আৰক্ষীয়ে সন্দেহ কৰিছে যে লোকেশে পূৰ্বে আত্মসমৰ্পণ কৰিছিল যদিও গোপনে মাওবাদীৰ কোত্ৰী আঞ্চলিক সমিতিৰ বাবে কাম কৰিছিল। মাওবাদীক বিচাৰি বুধবাৰৰ পৰা সূৰ্যাস্তৰ পাছত চত্তীশগড়ৰ বনাঞ্চলত যুটীয়া বাহিনীয়ে অভিযান আৰম্ভ কৰে।
প্ৰবল বৰষুণ আৰু মাওবাদী গুলীচালনাৰ ফলত যৌথ বাহিনীৰ অভিযানত কিছু বাধাৰ সৃষ্টি হয়। পাছত গুলিচালনা বন্ধ হোৱাৰ লগে লগে দুজন মাওবাদী নেতাৰ মৃতদেহ উদ্ধাৰ হয়।
যৌথ বাহিনীৰ অবিৰত অভিযানৰ ফলত এতিয়া মাওবাদী কাৰ্যকলাপ স্তব্ধ হৈ পৰিছে।