GM Coke Owner Arrested:
মহানগৰীৰ পাশ্বৱৰ্তী মেঘালয়ৰ বৰ্ণিহাট আৰু অসমক কেন্দ্ৰ কৰি কয়লা আৰু কোকক লৈ এখন বৃহৎ ক’লা বজাৰ চলি থকাৰ উপৰি ইয়াৰ জৰিয়তে শশ কোটি টকাৰ জিএছটি ফাকি দিয়াৰ তথ্য লাভ কৰিছে জিএছটি চোৰাংচোৱাই।
তেনে তথ্যৰ ভিত্তিত জিএছটিৰ গুৱাহাটীস্থিত সঞ্চালক প্ৰধানৰ কাৰ্যালয়ৰ এটা অভিযানকাৰী দলে এজন কোক উদ্যোগৰ গৰাকীক গ্ৰেপ্তাৰ কৰিবলৈ সক্ষম হৈছে মেঘালয়ৰ বৰ্ণিহাটত থকা জি এম কোক নামৰ এটা উদ্যোগৰ গৰাকী তথা অসমত বাস কৰা ধৃত ব্যৱসায়ীজনৰ নাম শিৱ কুমাৰ মিট্টাল।
ধাৰাবাহিক অনুসন্ধানৰ অন্তত মিট্টালে জিএছটিৰ বৃহৎ ধনৰাশি ফাঁকি দিয়াতো চোৰাংচোৱাৰ দলে নিশ্চিত কৰে। তাৰ ভিত্তিতে ২৩ আগষ্টত ব্যৱসায়ীজনক তিনিচুকীয়াৰ পৰা আটক কৰি পাছত গ্ৰেপ্তাৰ কৰা হয়।মিট্টালে যোৱা তিনি বছৰত কমেও দুশ কোটি টকা জিএছটি ফাঁকি দিয়াৰ তথ্য উদ্ধাৰ হৈছে।
অনুসন্ধানকাৰী দলৰ তথ্য অনুসৰি মিট্টালে নিজৰ উপৰি আন বহু অসাধু ব্যবসায়ীকো এনে বেআইনী কার্যত সহযোগিতা কৰিছিল। সেয়েহে তেনে ব্যৱসায়ীৰো তথ্য উদ্ধাৰৰ বাবে তদন্তকাৰী দলে মিটালৰ জেৰা অব্যাহত ৰাখিছে । মিট্টালৰ কাৰ্যৰ জৰিয়তে মেঘালয়ৰ অবৈধ কয়লাক লৈও অসম আৰু মেঘালয়ত চলি অহা গোপন ব্যৱসায়ৰ তথ্য উদ্ধাৰ কৰা হৈছে। কাৰণ কোক উদ্যোগৰ লগত কয়লাৰ সম্পৰ্ক আছে।
তথ্য অনুসৰি মিট্টালে নিজৰ উপৰি মেঘালয়ত অকর্তৃত্বশীলভাবে স্থাপন কৰা কোক উদ্যোগবোৰকে সহায় কৰি আহিছিল। সমান্তৰালভাৱে বৈধ উদ্যোগ একাংশকো কৰ ফাকিত সহযোগিতা আগবঢ়াইছিল। ইয়াৰ বাবে প্ৰস্তুত কৰিছিল জাল ৰছিদ। সেই ৰছিদবোৰ প্ৰস্তুত কৰা হৈছিল মুখ্যতঃ অর্থনৈতিকভাবে পিছপৰা লোকৰ নামত থকা ফাৰ্মৰ জৰিয়তে। কাৰণ তেনে লোকে চৰকাৰৰ পৰা বিভিন্ন শিতানত যথেষ্ট ৰেহাই লাভকৰে।
সেই সুযোগ গ্রহণ কৰি মিটালে এফালে চৰকাৰৰ পৰা যথেষ্ট ৰেহাই লাভকৰিবলৈ সক্ষম হৈছিল আৰু আনফালে, সামগ্রী ক্ৰয়ৰ প্ৰকৃত তথ্য গাপ দিছিল। অভিযোগ অনুসৰি মিট্টালৰ জৰিয়তে আন বহু বৈধ- অবৈধ ব্যৱসায়ীয়েও জিএছটি ফাঁকি দিবলৈ সক্ষম হৈছে।
ADVERTISEMENT