Durga Puja SOP in Guwahati:
শৰতৰ আগমনৰ লগে লগে দুৰ্গোৎসৱৰ মহা আয়োজনৰ প্ৰস্তুতি দুৰ্গা পূজা কমিটি সমূহৰ ৷ উত্তৰ পূবৰ সৰ্ববৃহৎ মহানগৰ হিচাপে পৰিচিত গুৱাহাটীত দুৰ্গা পূজা অনুষ্ঠিত কৰাৰ ক্ষেত্ৰত মহানগৰ প্ৰশাসনে জাৰি কৰিছে এছঅ’পি ৷
উল্লেখ্য যে এছঅ’পি জাৰি কৰাৰ পূৰ্বে কামৰূপ মহানগৰ জিলা প্ৰশাসন, আৰক্ষী আৰু দূৰ্গাপূজা সমিতিৰ মাজত অনুস্থিত হৈছিল এক যৌথ বৈঠক। বৈঠকত কামৰূপ জিলা আয়ুক্তৰ লগতে উপস্থিত থাকে গুৱাহাটীৰ যুটীয়া আৰক্ষী আয়ুক্ত অংকুৰ জৈন।
২৮ ছেপ্তেম্বৰৰ ষষ্ঠীৰ পৰা ২ অক্টোবৰৰ দশমীলৈ পূজা সুচাৰুৰূপে আয়োজনৰ ক্ষেত্ৰত কামৰূপ মহানগৰ প্ৰশাসনে জাৰি কৰি নিৰ্দেশনা অনুসৰি প্ৰতিখন পূজাস্থলীত চিচিটিভি থকাটো বাধ্যতামূলক ৷ একেদৰে পূজাস্থলীত কমিটি সমূহে নিয়োগ কৰি স্বেচ্ছাসেৱক ৷ স্বেচ্ছাসেৱৰ তালিকা আগতিয়াকৈ আৰক্ষী প্ৰশাসনৰ হাতত জমা দিব লাগিব ৷
আনহাতে পূজা কমিটি ভক্তৰ নিৰাপত্তা দিশটো সুনিশ্চিত কৰিবৰ বাবে পূজাস্থলীত হেল্প ডেক্স আৰু মেডিকেল ইউনিটৰ ব্যৱস্থা কৰিব ৷ তদুপৰি পূজাস্থলীলৈ কোনো ভিআইপি আহিলে আগতিয়াকৈ পূজা কমিটিয়ে আৰক্ষীক অৱগত কৰিব লাগিব ৷
আনহাতে পূজা কমিটি সমূহ যানবাহন নিয়ন্ত্ৰণৰ বাবে নিজা উদ্যোগ গ্ৰহণ কৰাৰ লগতে ভক্তৰ বাবে
বিনামূলীয়া খোৱা পানীৰ ব্যৱস্থা কৰিব ৷ একেদৰে মদ্যপান কৰি কোনো লোকৰ পূজা মণ্ডপলৈ যোৱাত বাধাৰোপ কৰিব লাগিব পূজা কমিটি সমূহে ৷ তদুপৰি পূজা কমিটিৰ উচ্চস্বৰত মাইক – ডেক বজোৱাত নিষেধাজ্ঞা আৰোপ প্ৰশাসনৰ ৷
উল্লেখ্য যে বিগতবৰ্ষত অসমত মুঠ দুৰ্গা পূজাৰ সংখ্যা আছিল ৪৮০৪ ৷ ইয়াৰ ভিতৰত শীৰ্ষত থকা জিলা খন হ’ল কাছাৰ ৷ জিলা খনত মুঠ দুৰ্গা পূজাৰ সংখ্যা ১০৩২ ৷ দ্বিতীয় শীৰ্ষত আছিল মধ্য অসমৰ সৰ্ববৃহৎ জিলা নগাঁও ৷ জিলা খনত মুঠ পূজাৰ সংখ্যা ৩৫৪ ৷ তৃতীয় শীৰ্ষত থকা জিলা খন হ’ল হোজাইত । ইয়াত মুঠ পূজাৰ সংখ্যা ৩৪১ ৷ তাৰ পিছত একাদিক্ৰমে তিনিচুকীয়াত ৩৩৫,হাইলাকান্দিত ৩৩৩ আৰু কামৰূপ মহানগৰ জিলাত ২৬৬ ৷ এইবৰ্ষত ৰাজ্যত দুৰ্গা পূজাৰ সংখ্যা অধিক বৃদ্ধিৰ সম্ভাৱনা আছে ৷ ইতিমধ্যে সংশ্লিষ্ট জিলা প্ৰশাসনে পূজাৰ দিন কেইটা শান্তিপূৰ্ণভাৱে উদযাপনৰ ক্ষেত্ৰত যাবতীয় পদক্ষেপ গ্ৰহণ কৰিছে