Tinsukia:৮ অক্টোবৰত জনজাতিকৰণৰ দাবীত অসম চাহ মজদুৰ সংঘৰ পানীতোলা শাখাৰ প্রতিবাদী সমদল
অসম চাহ মজদুৰ সংঘ পানীতোলা শাখাৰ সম্পাদক ৰাজু চাহুৱে এক বিবৃতি যোগে জনাইছে যে জনজাতিকৰণ অন্যান্য দাবীত মৰাণ, মটক, কোচ ৰাজবংশীকে আদি কৰি বিভিন্ন জাতি জনগোষ্ঠীয়ে বিজেপি চৰকাৰৰ বিৰুদ্ধে আন্দোলন কৰিছে। নিজৰ জাতি জনগোষ্ঠীৰ প্ৰাপ্য অধিকাৰৰ বিচাৰি সকলোৱে আন্দোলনত নামি পৰিছে। এই ছয় জনগোষ্ঠীৰ ভিতৰত অসমৰ সৰ্ববৃহৎ আদিবাসী চাহ জনগোষ্ঠীক বিজেপি চৰকাৰে ১০০ দিনত জনজাতিকৰণৰ মৰ্যাদা দিয়াৰ প্ৰতিশ্রুতি দিছিল। কিন্তু আজি ১০ বছৰ পাৰ হল জনজাতিকৰণ নকৰিলে, চাহ শ্ৰমিকৰ মজুৰি ৩৫১ টকা দিয়াৰ প্ৰতিশ্ৰুতি আজিও পূৰণ নকৰিলে, চাহ শ্রমিকক মাটিৰ পট্টা দিয়াৰ প্রতিশ্রুতি দিছিল পূৰণ নকৰিলে।
এই বিজেপি চৰকাৰৰ দিনত চাহ জনগোষ্ঠী একেবাৰে সুৰক্ষিত নহয়। বিজেপি চৰকাৰৰ অপশাসন, শ্রমিক বিৰোধী নীতি ফলত চাহ বাগিছা সমূহ গভীৰ সংকটত পৰিছে। বৃহৎ বহৎ চাহ বাগিছাৰ মালিক সকলে চাহ বাগিছা বিক্রী কৰি চাহ উদ্যোগ ব্যৱসায় এৰি অন্য ব্যৱসায়ত নামিছে। চাহ বাগিছাৰ মাটি উচ্ছেদ কৰা হৈছে। আদানী, আম্বানী, পতঞ্জলীৰ দৰে পুঁজিপতিক বাগিছাৰ মাটি গটাই দিয়া হৈছে, বাগিছাৰ মাটি ১০% (শতাংশ) অন্য কামত ব্যৱহাৰ কৰি উদ্যোগ স্থাপন কৰিবলৈ আইন প্রস্তুত কৰিছে, যাৰ বাবে এতিয়া চাহ বাগিছা সমূহ ধংসৰ পথলৈ গতি কৰিছে। কিন্তু বিজেপি চৰকাৰে চাহ বাগিছা ৰক্ষাৰ ক্ষেত্ৰত কোনো ব্যবস্থা গ্রহন কৰা আমি দেখা নাই।
আচ্ছে দিন আয়েগা বুলি কৈছিল, কিন্তু চাহ বাগিছা বিলাকৰ আচ্ছে দিনৰ সলনি বেয়া দিনলৈ গতি কৰিছে। ৩% (শতাংশ) চাকৰি আদিবাসীৰ নামত দিব বুলিআইন প্রণয়ন কৰি ১,৫০,০০০ চাকৰি চৰকাৰে দিলে কিন্তু আদিবাসী ৰাইজৰ বাবে সংৰক্ষিত ৩% (শতাংশ) চাকৰি কেইটা আদিবাসীক দিলে আমি জানো। মডেল স্কুলত শিক্ষক নাই, চকিদাৰ নাই, ২/৩ জন শিক্ষকে বিদ্যালয় সমূহ এনেদৰে চলাই আছে, সেয়ে এনেকুৱা বিদ্যালয় সমূহত ছাত্র-ছাত্রী ডপ আউটৰ সংখ্যা অধিক, বাগিছাৰ হস্পিটালত ডাক্তৰ নাই, দৰব পাতি অভাব, দেশত অত্যাধিক মূল্য বৃদ্ধিৰ ফলত চাহ বাগিছাৰ শ্ৰমিক সকলে ২৫০ টকা মজুৰিত পুষ্টিকৰ খাদ্য কিনি খাবলৈ নোপোৱাত বাগিছাৰ ৮০% (শতাংশ) শ্রমিকৰ বডিৱেট ৫০ কেজিতকৈ কম হোৱা দেখা গৈছে, এল, পি স্কুল আজিও সম্পূৰ্ণ চৰকাৰী কৰণ নহল। এনে ধৰনৰ বিভিন্ন সমস্যা এই বিজেপি চৰকাৰৰ দিনত চাহ বাগিছা সমূহত দেখা পোৱা গৈছে। এই ধংস হবলৈ ধৰা উদ্যোগটোক জীয়াই ৰখাৰ কোনো বিকল্প ব্যৱস্থা বিজেপি চৰকাৰে আজিও গ্ৰহন কৰা নাই বা কৰিব ইচ্ছা প্রকাশ কৰা নাই।
গতিকে আদিবাসী চাহ জনগোষ্ঠী ৰাইজে জনজাতিকৰণ আৰু অন্যান্য জলন্ত সমস্যাৰ ওপৰোক্ত দাবীক লৈ অহা ৮ অক্টোবৰত প্রায় ১ লাখ লোক তিনিচুকীয়াৰ কচুজান ফিল্ড আৰু চলিহা নগৰ ফিল্ডত এ.টি ৰোডৰ অভাৰ ব্ৰিজৰ ওচৰত, ন-পুখুৰীৰ ওচৰত, চাৰ্কোল অফিচৰ ওচৰত, এৰমা হোটেলৰ ওচৰত সমবেত হোৱাৰ লক্ষ্য ৰাখি তিনিচুকীয়া মাজমজিয়াত মিথ্যাচাৰী বিজেপি চৰকাৰৰ শ্রমিক বিৰোধী নীতিৰ বিৰোদ্ধে সমদল বাহিৰ কৰি প্ৰতিবাদী কাৰ্য্যসূচী গ্ৰহন কৰা হ’ব। ৩ অক্টোবত অসম চাহ মজদুৰ সংঘ, অসম চাহ জনজাতি ছাত্র সন্থা, আদিবাসী ছাত্র সন্থা মহিলা সমিতি (আটৱা), জাতীয় মহাসভাকে আদি কৰি বিভিন্ন চাহ জনগোষ্ঠীৰ সংগঠনৰ বিষয়-ববীয়া ক্রমে জগত নায়ক, অনুজ তাঁতী, এলবার্ট আবেয়া, বাবলু কুলদিপ আৰু বহু কেইজনৰ উপস্থিতিতিত তিনিচুকীয়াৰ এৰমা ৰেছিডেন্সীত এক গুৰুত্বপূর্ণ আলোচনা কৰা হয় I
এই ACMS, ATTSA, AASA লগতে বিভিন্ন জাতীয় সংগঠনৰ সহযোগত হবলগীয়া প্রতিবাদী কাৰ্য্যসূচীত দলে বলে যোগদান কৰিবলৈ সকলোকে আহ্বান জনোৱা হ’ল । উক্ত আন্দোলনত সকলো সংগঠনে নিজৰ নিজৰ বেনাৰ, প্লে কার্ড লৈ তিনিচুকীয়া চহৰত সমবেত হৈ প্রতিবাদ সাব্যস্ত কৰিব। সেয়ে চাহ জনগোষ্ঠীয় আদিবাসী সংগঠন সমূহক বিশেষ ভাবে অনুৰোধ জনাইছো যে অহা ৮ অক্টোবৰত দিনৰ ১১ বজাত এই বৃহৎ গণতান্ত্রিক প্রতিবাদী আন্দোলনত চাহ বাগিছাৰ সকলো শ্রমিক আবাল, বৃদ্ধ, বনীতা, ডেকা-গাভৰু আৰু গাঁও অঞ্চলৰ অদিবাসী ৰাইজক দলে বলে অংশ গ্রহন কৰি আন্দোলন সফল ৰূপায়ণ কৰিবলৈ আহ্বান জনায় I