Asomiya Yuva Mancha :আমাক জুবিন দাৰ ন্যায় লাগিব, গুলিয়াই মাৰিলেও ন্যায় লাগিব:আকাশ শইকীয়া

অসমীয়াৰ হিয়াৰ আমঠু জুবিন গাৰ্গৰ মৃত্যুৰ তদন্তও শিল্পী গৰাকীৰ মৃত্যুৰ ৰহস্যৰ দৰেই ক্ৰমাৎ ৰহস্যময় হৈছে ৷ সমগ্ৰ বিষয়টোত নাই কোনো স্পষ্টতা আৰু নাই প্ৰত্যয়ভৰা বাৰ্তা। এনেক্ষেত্ৰত ধৈৰ্যচ্যুতি হেৰুৱাৰ সম্ভাৱনা ব্যক্ত কৰিছে ৰাজ্যৰ দল- সংগঠনে ৷

অসমীয়া যুৱ মঞ্চও হাৰ্টথ্ৰৱ গৰাকীৰ তদন্তৰ ক্ষেত্ৰত বিলম্ব হৈ থকাত গৰজি উঠিছে ৷ আমগুৰিত এক সংবাদমেল সম্বোধন কৰি সংগঠনটোৰ সহ সচিব আকাশ শইকীয়াই কয়,জুবিনদাৰ ন্যায় আমি কেতিয়া পাম ৷ মৰিয়াই মাৰিলেও আমাক জুবিন দাৰ ন্যায় লাগিব, গুলিয়াই মাৰিলেও ন্যায় লাগিব ৷

মুখ্যমন্ত্ৰীৰ ওপৰত বিশ্বাস আছে,তেওঁ কৰি দেখুৱাব ৷’ আমি ভাৱিছিলো আপুনি শ্রেষ্ঠ মুখ্যমন্ত্রী, আপুনি ন্যায় দিব নোৱাৰিলে আমি নিজে ন্যায় লম৷ আনহাতে শইকীয়াই আৰু কয় ,প্রত্যেকটো ৰাজনৈতিক দলক আমি সকীয়াই দিছো, জুবিন গাৰ্গৰ লগত ৰাজনীতি নানিব ৷

অসমীয়া যুৱ মঞ্চৰ নেতা গৰাকীয়ে প্রতিটো চিনেমা হলৰ মালিকলৈ হাতজোৰ কৰি কয়, প্রতিটো চিনেমা হলৰ মালিকলৈ আমাৰ অনুৰোধ, চিনেমা আৰম্ভ হোৱাৰ আগত জুবিন দাৰ মায়াবিনী গীতটো বজাওক ৷