Pawan Khera:✒️অসমৰ ৰাজনৈতিক পৰিৱেশত পুনৰ বৃদ্ধি পাইছে উত্তেজনা ।এক সংবাদমেলত কংগ্ৰেছৰ জ্যেষ্ঠ নেতা পৱন খেড়া (Pawan Khera) য়ে কেন্দ্ৰীয় গৃহমন্ত্ৰী অমিত শ্বাহ (Amit Shah) আৰু অসমৰ মুখ্যমন্ত্ৰী হিমন্ত বিশ্ব শৰ্মা (Himanta Biswa Sarma)ৰ সম্পৰ্কক লৈ তীব্ৰ মন্তব্য আগবঢ়ায়।
খেড়াই অভিযোগ কৰে যে, মুখ্যমন্ত্ৰীজন ৰাজ্যৰ স্বতন্ত্ৰ নেতৃত্ব হিচাপে কাম কৰাৰ পৰিৱৰ্তে দিল্লীৰ নেতৃত্বৰ ওপৰত অধিক নিৰ্ভৰশীল। তেওঁৰ মতে, অমিত শ্বাহে হিমন্ত বিশ্ব শৰ্মাক “তোলনীয়া পুত্ৰৰ দৰে” ব্যৱহাৰ কৰে, যিয়ে অসমৰ ৰাজনৈতিক স্বাভিমানক আঘাত কৰিছে।
তেওঁ লগতে দাবী কৰে যে, পূৰ্বতে অমিত শ্বাহে (Amit Shah) নিজেই হিমন্ত বিশ্ব শৰ্মাক সমালোচনা কৰিছিল। কিন্তু বৰ্তমান ৰাজনৈতিক স্বাৰ্থৰ বাবে সেই সমীকৰণ সলনি হৈছে বুলি তেওঁ মন্তব্য কৰে।
ইয়াৰ লগতে খেড়াই ৰাজ্য চৰকাৰৰ নীতি আৰু কাৰ্যপদ্ধতিক লৈও প্ৰশ্ন তোলে। তেওঁ কয় যে, জনসাধাৰণৰ মৌলিক সমস্যা—দাম বৃদ্ধি, নিবনুৱা সমস্যা আৰু সামাজিক সুৰক্ষাৰ দৰে বিষয়সমূহত চৰকাৰে যথেষ্ট গুৰুত্ব নিদিছে।