NDA ত্যাগ কৰিব UPPL !

ৰাজ্যৰ ৰাজনীতি এক এটা গুৰুত্বপূৰ্ণ খবৰ ৷ অচিৰেই এন ডি এৰে সম্পৰ্ক ছেদ কৰিব UPPL- এ ৷ ডিচেম্বৰৰৰ পহিলা সপ্তাহতে এই সম্পৰ্কীয় চুড়ান্ত সিদ্ধান্ত গ্ৰহণ কৰিব বিটিআৰৰ প্ৰধান বিৰোধী দলটোৱে ৷

বিজনীৰ বাৰীত UPPL ৰ সভাপতি প্ৰমোদ বড়োৰ সভাপতিত্বত অনুষ্ঠিত মন্থন সভাত NDA ত্যাগ কৰাৰ সন্দৰ্ভত কেতবোৰ সিদ্ধান্ত লোৱা হয় ৷ সেই অনুসৰি আগন্তুক নিৰ্বাচনত UPPLয়ে বিটিআৰৰ ১৫ টা সমষ্টিৰ উপৰিও ৰাজ্যৰ আন ১২ টা সমষ্টিত প্ৰাৰ্থী প্ৰক্ষেপ কৰিব ৷ ১২ টা সমষ্টি হ’ল বৰচলা,ঢেকিয়াজুলি, ধেমাজী , দুধনৈ ,পশ্চিম গোৱালপাৰা ,ছয়গাঁও,বকো,নদুৱাৰ বজালী ডিমৰীয়া,গোলাঘাট,ৰঙিয়া ৷

উল্লেখ্য যে,সদ্য সমাপ্ত বিটিআৰ নিৰ্বাচনত ইউপিপিএলৰ পৰা সম দুৰত্ব বচাই বিজেপিয়ে অকলেই নিৰ্বাচনত অৱতীৰ্ণ হৈছিল যদিও দুয়োটা দলে মুখথেকেঁচা খায় ৷ আনহাতে ৰাজকীয় উদ্থানেৰে হাগ্ৰামা মহিলাৰীৰ বিপিএফে ২৮ খন আসন লাভ কৰি চৰকাৰ গঠন কৰিবলৈ সক্ষম হোৱাৰ বিপৰীতে UPPLয়ে ৭ খন আৰু বিজেপিয়ে ৫ খনতে সীমাবদ্ধ থাকে ৷

মনকৰিবলগীয়া যে, বিপিএফে বিটিচিত চৰকাৰ গঠন কৰাৰ পিছৰে পৰা মুখ্যমন্ত্ৰী ড:হিমন্ত বিশ্ব শৰ্মাই প্ৰমোদ বড়োৰ পৰা সম দূৰত্ব বজাই ৰাখি বিপিএফে এক সম্পৰ্ক গঢ়ি তোলাৰ বাটে আগ্ৰহী হয় ৷ এনে ঘটনাক্ৰমৰ মাজতে বিপিএফক এনডিএত যোগদানৰ বাবে আমন্ত্ৰণ কৰে মুখ্যমন্ত্ৰী ড:শৰ্মাই ৷ কিন্ত হাগ্ৰামা মহিলাৰীৰ স্পষ্ট মত UPPL আউট হ’লেহে BPF ইন হ’ব এনডিএত ৷

কিন্ত আচৰিতজনকভাবে ১৮ অক্টোবৰত বিপিএফৰ মাজবাটৰ বিধায়ক চৰণ বড়োৱে কেবিনেট মন্ত্ৰী হিচাপে শপত লয় ৷ শপত গ্ৰহণ অনুষ্ঠানত মুখ্যমন্ত্ৰী ড:হিমন্ত বিশ্ব শৰ্মা,,বিটিচিৰ মুৰব্বী হাগ্ৰামা মহিলাৰী,ৰাজ্যিক বিজেপিৰ সভাপতি দিলীপ শইকীয়া সহ বিজেপিৰ মন্ত্ৰী- বিধায়ক সহ বিপিএফৰ বিধায়ক সকল ৷ অৱশ্যে শপত গ্ৰহণ অনুপস্থিত থাকে UPPLৰ মুৰব্বী প্ৰমোদ বড়ো।

ইপিনে কেবিনেট মন্ত্ৰী হিচাপে শপত লোৱা চৰণ বড়োক পৰিবহন সহ বড়োলেণ্ড উন্নয়ন দপ্তৰ অৰ্পণ কৰা হয় ৷ উল্লেখ্য যে বড়োলেণ্ড উন্নয়ন দপ্তৰটো পূৰ্বতে আছিল ইউপিপিএলৰ ইউজি ব্ৰক্ষ্মৰ হাতত ৷

আনহাতে চৰণ বড়োৰ শপত গ্ৰহণ অনুষ্ঠানৰ পিছতে সাংবাদিকৰে হোৱা বাৰ্তালাপত বিটিচিৰ মুৰব্বী হাগ্ৰামা মহিলাৰীয়ে কয় চৰণ বড়োৰ মন্ত্ৰীত্বৰ জৰিয়তে NDA ত ইন হ’ল বিপিএফ ৷ সেই সূত্ৰে বিজেপিৰ দুজন পাৰিষদক কাৰ্যবাহী সদস্য আৰু এগৰাকী পাৰিষদক বিটিচি বিধান পৰিষদৰ উপাধ্যক্ষ পদ দিয়া হ’ব ৷

চৰণ বড়োৰ মন্ত্ৰীত্বৰ পিছৰে পৰা UPPLৰে বিজেপিৰ মধুচন্দ্ৰিকা অন্ত পৰাৰ এক ইংগিত বহন কৰিছিল ৰাজ্যৰ ৰাজনীতিত ৷ একপ্ৰকাৰ অকলশৰীয়া হৈ পৰে UPPL ৷ এনেক্ষেত্ৰত দলটোৱে এনডিএ পৰা ওলায় অহাটোৱে একমাত্ৰ উপায় বুলি ভাবিবলৈ বাধ্য হৈছে ৷