CM Reaction:
দৈনিক অগ্ৰদূত ডিজিটেল ডেস্ক:দেশৰ নিৰ্বাচন আয়োগৰ মুৰব্বী জ্ঞানেশ কুমাৰৰ নেতৃত্বত ভয়ংকৰ জালিয়াতি অভিযোগ তুলি ককৰোচ জনতা পাৰ্টিয়ে জ্ঞানেশ কুমাৰক পদত্যাগৰ সময়সীমা বান্ধি দিয়াক লৈ মুখ্যমন্ত্ৰী ড:হিমন্ত বিশ্ব শৰ্মাই তীব্ৰ প্ৰতিক্রিয়া প্ৰকাশ কৰি কয়,চিজেপিয়ে ক’লেই কোনোবাই পদ এৰি দিব নেকি৷ ‘মোক মুখ্যমন্ত্ৰীৰ পদ এৰিব ক’লেই মই এৰি দিম নেকি ৷ পিতৃ- মাতৃৰ কথাই সন্তানে নামানে ৷ সেয়েহে চিজেপিৰ হুংকাৰৰ কোনো ন্যায্যতা নাই ৷
আনহাতে সাংবাদিকৰে হোৱা বাৰ্তালাপত মুখ্যমন্ত্ৰী গৰাকীয়ে নগাঁও লোকসভা উপ- নিৰ্বাচন সন্দৰ্ভত কয়,নগাঁৱত নির্বাচন খেলিছো জিকিব লাগিব, আমাক সকলোৱে ভোট দিব লাগে। আৰু বহুত ৰাষ্ট্ৰবাদী মিঞাই আগৰ পৰাই আমাক ভোট দি থাকে৷ এইবাৰো সংখ্যালঘু জনগনে হাত উজাৰি বিজেপিক ভোট দিব৷কিয়নো ইতিমধ্যে দিল্লীত বিজেপি চৰকাৰ আগন্তুক আঢ়ৈ বছৰলৈ থাকিব৷গতিকে তেওঁলোকে নিৰ্বাচন কৰা সাংসদজন চৰকাৰৰ অংশীদাৰ হ’ব। কংগ্ৰেছক দিলে বিৰোধীত থাকিব৷
একেদৰে মুখ্যমন্ত্ৰী গৰাকীয়ে মিচিং,সোনোৱাল কছাৰী স্বায়ত্ত্বশাসিত পৰিষদৰ নিৰ্বাচন সন্দৰ্ভত কয়,মিচিং আৰু সোণোৱাল কছাৰী নির্বাচনত বিজেপি, গণশক্তি বা আন দলৰ মানুহে প্ৰতিদ্বন্দ্বিতা কৰিব পাৰিব কিন্তু দলৰ প্ৰতীক চিহ্ন নাথাকিব। বিধায়ক, মন্ত্ৰীও পৰাপক্ষত প্ৰচাৰৰ পৰা আঁতৰি থাকিব ৷ দলৰ মানুহবোৰৰ মাজতেই যাতে সংঘাত সৃষ্টি নহয় তাৰ বাবে এই ধৰণৰ চিন্তাচৰ্চা কৰা হৈছে ৷
