Roi Roi Binale Release Today: সকলো উৎকণ্ঠাৰ অন্ত পেলাই চলচ্চিত্ৰ গৃহত মুকলি হ’ল অসমবাসীৰ প্ৰাণৰ শিল্পী জুবিন গাৰ্গৰ অন্তিম ছবি ‘ৰৈ ৰৈ বিনালে

অসমবাসী আৰু জুবিন অনুৰাগীক সকলো উৎকণ্ঠাৰ অন্তত আজি পুৱা অসম সহ দেশৰ প্ৰায়বোৰ চলচ্চিত্ৰ গৃহত মুকলি হ’ল অসমবাসীৰ প্ৰাণৰ শিল্পী জুবিন গাৰ্গৰ অন্তিম ছবি ‘ৰৈ ৰৈ বিনালে’। এই ছবিয়ে অসমৰ ছবি উদ্যোগলৈ এনে এক জোৱাৰ আনিলে য’ত জুবিনে বিচৰাৰ দৰেই বহু বন্ধ হৈ থকা ছবিগৃহও মুকলি হ’ল।

গুৱাহাটী সহ ৰাজ্যৰ প্ৰতিটো কথাছবি গৃহত পুৱা ৪-২৫ ত প্ৰথম দৰ্শনী আৰম্ভ হয় ৷পুৱতি নিশাৰ পৰাই ভিৰ কৰিছিল অনুৰাগীয়ে ছবিখন উপভোগ কৰিবলৈ ৷ গুৱাহাটীৰ মেট্রিক্স ছবিগৃহ আৰু ঢেকিয়াজুলিৰ লক্ষত্ৰ চলচ্চিত্ৰ গৃহত জুবিন গাৰ্গৰ বাবে এখন আসন সংৰক্ষণ কৰা হয় ৷ উল্লেখ্য যে,দেশৰ ভিতৰতে প্রথম গুৱাহাটীৰ মেট্রিক্স চিনেমা হলত পুৱা ৪.২৫ বজাত ‘ৰৈ ৰৈ বিনালে’ৰ প্রথম দর্শনী আৰম্ভ হয় l

আনহাতে তিনিচুকীয়াটো আজি অভিলেখ ভংগ কৰি পুৱা ৭ বজাৰ পৰা আৰম্ভ হৈছে ৰৈ ৰৈ বিনালে। কোনোবাই যদি পুৱা ৫ বজাত আহিছে কোনোবাই আক’ ৫.৩০ বজাতে সদলবলে উলাই আহিছে ৰৈ ৰৈ বিনালে চাবলৈ। ছবিগৃহৰ প্ৰৱেশৰ সময়তে প্ৰাণৰ শিল্পী জুবিন গাৰ্গৰ প্ৰতিচ্ছবিত বন্তি প্ৰজ্বলন কৰি দৰ্শকসকলে সোমাইছে চিনেমা চাবলৈ ।

একেদৰে ৰৈ ৰৈ বিনালে মোৰ নতুন চিনেমা চাবলৈ আহিবা,মৰমৰ জুবিন দা। তাৰেই ফলস্বৰূপে মঙলদৈৰ ড্ৰিম থিয়েটাৰ হলত ৰৈ ৰৈ বিনালে প্ৰথম দৰ্শনী আৰম্ভ হল ৭-১৫ বজাৰ পৰা। মুঠ ৬ ছয়টা দৰ্শনী প্ৰদৰ্শন কৰিব দৈনিক। নিশা শেষ দৰ্শনী হ’ব ৯-৩০ বজাত। ইতিমধ্যে ৬ নবেম্বৰলৈ টিকট বুকিং সম্পূৰ্ণ হৈছে। চিনেমা হলত সোমোৱাৰ আগতেই শ্ৰদ্ধাঞ্জলি জ্ঞাপন কৰিছে দৰ্শকক ৰাইজে।

তেজপুৰৰ চিনেমা হলত ৰৈ ৰৈ বিনালেৰ প্ৰথম দৰ্শনী আৰম্ভ হয় পুৱা পাঁচ বজাত।হৃদয়ৰ শিল্পী জুবিন গাৰ্গৰ শেষখন ছবি চাবলৈ ওলাই আহিল অসংখ্য দৰ্শক ৷ বেদনাহত অন্তৰৰে সকলোৱে চালে প্ৰিয় শিল্পীজনক৷ ছবিখন চোৱাৰ আগতে হিয়াৰ আমঠু গৰাকীলৈ সকলোৱে জনালে শ্ৰদ্ধাঞ্জলি।

আনহাতে ৰৈ ৰৈ বিনালে ‘ প্ৰথম দৰ্শনী চাই আৱেগিক হৈ পৰিল দৰ্শক, সকলোৰে চকুত চকুপানী ৷