LIC:✒️অৱসৰৰ পৰিকল্পনাৰ বাবে আপুনিও যদি কোনো বিশ্বাসযোগ্য আঁচনিৰ সন্ধান কৰি আছে তেন্তে আপুনি কেন্দ্ৰীয় চৰকাৰৰ মালিকানাধীন বীমা কোম্পানী এলআইচিৰ সৰল পেন্সন আঁচনিত বিনিয়োগ কৰিব পাৰে। এই আঁচনিত বিনিয়োগ কৰিলে অৱসৰৰ পাছত প্রতিমাহে নিৰ্দিষ্ট পৰিমাণৰ পেন্সন লাভ কৰাৰ লগতে আত্মনিৰ্ভৰ হৈ থাকিব পাৰি। মাহিলি পেন্সনৰ নিশ্চয়তা প্রদান কৰা এলআইচি সৰল পেন্সন আঁচনিৰ বিশেষত্ব এই যে, ইয়াত মাত্র এককালীন বিনিয়োগৰ বিনিময়ত আজীৱন পেন্সন দিয়া হয়।
সৰল পেন্সন আঁচনিৰ অধীনত ৪০ বছৰৰ পৰা ৮০ বছৰ বয়সৰ যিকোনো ব্যক্তিয়ে বিনিয়োগ কৰিব পাৰে। এই পলিচী বিনিয়োগকাৰী এজনে অকলে বা তেওঁৰ পত্নী-স্বামীৰ স’তে কিনিব পাৰে। মাহিলি ফিক্সড্ পেন্সন প্ৰদান কৰা এই আঁচনিখনত বিনিয়োগৰ সৰ্বোচ্চ সীমা নির্ধাৰণ কৰা হোৱা নাই। অর্থাৎ আপুনি যিমান বিচাৰে বিনিয়োগ কৰিব পাৰে আৰু সেই বিনিয়োগ অনুসৰি পেন্সন লাভকৰিব পাৰে। এই আঁচনিখনত এজন ব্যক্তিয়ে প্রিমিয়াম পৰিশোধ কৰাৰ পাছত বাৰ্ষিক, ডেৰ বছৰীয়া, ত্রিমাসিক বা মাহেকীয়া ভিত্তিত পেন্সন লাভ কৰিব পাৰে।
উল্লেখ্য যে আজীৱন পেন্সনৰ নিশ্চয়তা প্রদান কৰা এই আঁচনিৰ জৰিয়তে পলিচিধাৰীসকলে ঋণৰ সুবিধাও লাভ কৰিব পাৰে। সৰল পেন্সন আঁচনিৰ অধীনত পলিচিধাৰীয়ে সাধাৰণতে ছমাহৰ পাছত ঋণ ল’ব পাৰে। ইয়াৰ উপৰি পলিচী আৰম্ভ হোৱাৰ তাৰিখৰ পৰা ছমাহৰ পাছত যিকোনো সময়তে পলিচীধাৰীয়ে পলিচী জমা দিব পাৰে। তদুপৰি ডেথ বিনিফিট হিচাপে পলিচীধাৰীৰ মৃত্যু হ’লে বিনিয়োগৰ ধন তেওঁৰ মনোনীত ব্যক্তিক ঘূৰাই দিয়া হয়। এই পেন্সন আঁচনি অনলাইনযোগে কিনিবলৈ এলআইচিৰ অফিচিয়েল ৱেবছাইট http.//www.licindia.in ত যোগাযোগ কৰিব পাৰে।
