আমি সাধাৰণতে ধৰি লওঁ যে ফলমূল,শাক-পাচলি বা প্রাকৃতিক খাদ্যবোৰ শৰীৰৰ বাবে সহজাতভাবে ভাল। কিন্তু হহৃদৰোগ বিশেষজ্ঞৰ মতে বাস্তর সদায় ইমান সহজ নহয়। নির্দিষ্ট পৰিস্থিতিত ফ্রীজত ৰখা কিছুমান চিনাকি ‘স্বাস্থ্যকৰ’ খাদ্য প্রকৃততে হৃদযন্ত্রৰ বাবে ক্ষতিকাৰক বুলি প্রমাণিত হ’ব পাৰে।
বিশেষকৈ হৃদৰোগত আক্রান্ত ব্যক্তি বা নিয়মীয়াকৈ নির্দিষ্ট ঔষধ গ্রহণ কৰা ব্যক্তিৰ বাবে এই আশংকা অধিক বিশেষজ্ঞসকলৰ মতে খাদ্যসমূহ নিজেই সহজাতভাবে বেয়া নহয়। কোনো ব্যক্তিব শাৰীৰিক অৱস্থা, বৃক্কৰ কার্যক্ষমতা বা নিৰ্ধাৰিত ঔষধৰ স’তে খাদ্যব উপাদানসমূহৰ সংঘর্ষ হ’লে সমস্যাৰ সৃষ্টি হয়।
এনে ক্ষেত্রত খাদ্যই শৰীৰৰ ভিতৰত বিৰূপ প্রতিক্রিয়াৰ সূচনা কৰিব পাৰে। এনে তিনিবিধ খাদ্য হ’ল-
(১) কল: কল এবিধ ব্যতিক্রমী পুষ্টিকৰ ফল, পটাছিয়ামযুক্ত- এবিধ পুষ্টিকৰ উপাদান সাধাৰণতে শৰীৰৰ বাবে উপকাৰী। কিন্তু বৃক্কৰ সমস্যা থকা ব্যক্তি বা হৃদযন্ত্ৰৰ কিছুমান বিশেষ ঔষধ গ্রহণ কৰা ব্যক্তিৰ বাবে শৰীৰৰ ভিতৰত পটাছিয়াম জমা হ’ব পাৰে। ইয়াৰ ফলত তেজত পটাছিয়ামৰ মাত্রা বিপজ্জনকভাবে উচ্চ মাত্রালৈ বৃদ্ধি পাব পাৰে, যাৰ ফলত হৃদযন্ত্রন ছন্দত ব্যাঘাত জন্মিব পাৰে। ফলস্বৰূপে চিকিৎসকে অত্যধিক পৰিমাণৰ ফল খোৱাৰ আগতে সাৱধানতাৰ পৰামর্শ দিয়ে।
(২) আঙুৰঃ আঙুৰত ভিটামিন চি আৰু এন্টিঅক্সিডেণ্টৰ উৎস। কিন্তু এই ফলবিধে কিছুমান ঔষধৰ লগত বিৰূপ ক্রিয়া কৰিব পাৰে। বিশেষকৈ গ্রেপফ্রুট-আঙুৰৰ ঘনিষ্ঠ আত্মীয়- সেবনে হৃদৰোগ বা প্রতিষ্ঠাপনৰ পাছৰ যত্নৰ বাবে প্ৰেছক্রিপছন কৰা ঔষধৰ কাৰ্যকাৰিতা সলনি কৰিব পাৰে। ইয়াৰ ফলত ঔষধৰ বিপজ্জনকভারে অধিক ঘনত্ব শৰীৰত জমা হ’ব পাৰে, যাৰ ফলত স্বাস্থ্যজনিত বিপদৰ সৃষ্টি হ’ব পাৰে।
(৩) পালেং শাক: পালেং শাক পুষ্টিকৰ উপাদানৰে ভৰপূৰ, ইয়াত প্ৰচুৰ পৰিমাণে আইৰণ, ভিটামিন আৰু খনিজ পদার্থ থাকে। কিন্তু ইয়াত পটাছিয়াম আৰু ভিটামিন-কেও বিশেষভাবে বেছি থাকে। তেজ পাতল কৰা ঔষধ গ্রহণ কৰা ব্যক্তিৰ বাবে পালেং শাক সেবনে তেওঁলোকৰ ঔষধৰ ফলপ্রসূতা হ্রাস কৰিব পাৰে। সেয়েহে চিকিৎসকে পৰামর্শ দিয়ে যে পালেং শাক খোৱাটো অনুমোদিত হ’লেও হঠাতে ইয়াক বৃহৎ পৰিমাণে খোৱাৰ পৰা বিৰত থাকিব লাগে, ইয়াক পৰিমিতভাবে সেৱন কৰাটোৱেই উত্তম। চিকিৎসা পেছাদাৰীসকলৰ মতে কোনো খাদ্যই সম্পূর্ণরূপে ভাল বা বেয়া নহয়। ব্যক্তিব শাৰীৰিক আৰু বৰ্তমানৰ চিকিৎসাজনিত অৱস্থা, নিৰ্ধাৰিত ঔষধৰ ওপৰত নিৰ্ভৰ কৰি যিকোনো খাদ্যৰ প্রভাব ভিন্ন হ’ব পাৰে। গতিকে হৃদৰোগত আক্রান্ত ব্যক্তি বা দীর্ঘদিনীয়া ঔষধ গ্রহণ কৰা ব্যক্তিয়ে খাদ্যৰ নির্দিষ্ট বাছনি কৰাৰ আগতে চিকিৎসকৰ পৰামৰ্শ ল’ব লাগে।