পুনৰ আৰম্ভ হ’ব দেশীয় বিমান সেৱা । কৰ’না ভাইৰাছৰ সংক্ৰমণৰ বাবে যোৱা দুমাহে বন্ধ হৈ থকা বিমানৰ চলাচল অহা সোমবাৰৰ পৰা আৰম্ভ হোৱাৰ পূৰ্বে যোৱাকালি কেন্দ্ৰীয় চৰকাৰে কয় যে এয়াৰলাইনছ সমূহে কেন্দ্ৰীয় অসামৰিক বিমান পৰিবহন মন্ত্ৰণালয়ে টিকটৰ মূল্যৰ ক্ষেত্ৰত বান্ধি দিয়া নীতি-নিৰ্দেশনা মানি চলিব লাগিব । দিল্লী আৰু মুম্বাইৰ মাজত বিমানৰ টিকটৰ মূল্য ৩৫০০ টকাৰ পৰা প্ৰায় ১০ হেজাৰ পৰ্যন্ত আগন্তুক তিনিমাহৰ বাবে হ’ব লাগিব বুলি বিভাগীয় মন্ত্ৰী হৰদীপ সিং পুৰীয়ে কয় । তেওঁ কয়, বিমানৰ যাত্ৰাৰ সময় সাতটা শ্ৰেণীত বিভক্ত কৰা হৈছে আৰু সেয়া হৈছে ০-৩০ মিনিট, ৩০-৬০ মিনিট, ৯০-২০মিনিট, ১২০-১৫০ মিনিট, ১৫০-১৮০ মিনিট আৰু ১৮০-২১০ মিনিট । উদাহৰণ স্বৰূপে দিল্লী মুম্বাইৰ বিমানৰ নূন্যতম ভাড়া ৩৫০০ আৰু অধিকতম ১০ হেজাৰ হ’ব লাগিব।এয়া আগন্তুক তিনিমাহৰ বাবে বলবৎ হ’বা ।
তেওঁ কয় যে বিমানৰ ৪০ শতাংশ আসনৰ মূল্য সাধাৰণ মূল্যতকৈ ৫০ শতাংশ কম হ’বা লাগিব । উদাহৰণ স্বৰূপে দিল্লী-মুম্বাইৰ পথৰ সাধাৰণতে ভাড়া হয় নূন্যতম ৬৭০০ টকা। মুঠ বিমানৰ এক তৃতীয়াংশ চলিবলৈ দিয়া হ’ব। ইয়াৰ বাবে বান্ধি দিয়া নীতি নিয়মৰ ভিতৰত আছে বিমানত কোনেও খাদ্য খাব নোৱাৰিব, সকলো যাত্ৰীৰে শৰীৰত তাপমাত্ৰা জুখিব লাগিব আৰু বিমানৰ কৰ্মীসকলৰ বাবে সম্পূৰ্ণ সুৰক্ষিত পোছাক থাকিব লাগিব । ইপিনে, বিমানসমূহত বিশেষ সামাজিক দূৰত্ব বজাই ৰখাৰ বিষয়ে প্ৰকাশিত বাতৰি নুই কৰি মন্ত্ৰী পুৰীয়ে কয়, এই মুহূৰ্তৰ সিদ্ধান্ত অনুসৰি মাজৰ আসন খালী ৰখা নহ’ব।’ কেন্দ্ৰীয় অসামৰিক বিমান পৰিবহণৰ মন্ত্ৰণালয়ে এইদৰেও কয় যে যিসকল যাত্ৰীৰ বয়স বা স্বাস্থ্যজনিত কাৰণত নিৰ্ধাৰিত তাৰিখত যাত্ৰাৰ বাবে বাধাপ্ৰাপ্ত হয় তেঁওলোকক কোনো জৰিমনা নোহোৱাকৈ যাত্ৰাৰ তাৰিখ সলনিৰ অনুমোদন দিব লাগিব ।
সকলো যাত্ৰীয়ে আৰোগ্য সেতু এপ পঞ্জীয়ন কৰিবা লাগিব। যদিহে তেওঁলোকৰ হাতত মোবাইল কাৰিকৰীভাৱে এই ক্ষেত্ৰত সমৰ্থ নহয় তেতিয়া তেওঁলোক উৰণৰ বাবে সক্ষম বুলি এখন প্ৰমাণপত্ৰ বা ঘোষণা দিব লাগিব। তেওঁলোক কোৱাৰেণ্টাইন হোৱা নাছিল বা কণ্টেইনমেণ্ট অথবা ৰেড জ’নৰ বাসিন্দা নহয় বুলিও ঘোষণা পত্ৰ দাখিল কৰিব লাগিব। আৰোগ্য সেতু এপত ‘ৰেড’ বুলি চিনাক্ত হোৱা সকলক ভ্ৰমণ কৰিবলৈ দিয়া নহ’ব। তদুপৰি যাত্ৰীসকলে বিমান যাত্ৰাৰ দুঘণ্টাৰ পূৰ্বে বিমানকোঠাত উপস্থিত হ’ব লাগিব আৰু একমাত্ৰ অনলাইন নিৰীক্ষণ পদ্ধতিৰ জৰিয়তে তেওঁলোকক যাবলৈ দিয়া হ’ব। ইপিনে, মন্ত্ৰী পুৰীয়ে কয় যে, বিমানৰ যাত্ৰীৰ কোৱাৰেন্টাইনক লৈ অযথা বিভ্ৰান্তিৰ সৃষ্টি কৰা হৈছে। বিমানত কোনো পজিটিভ যাত্ৰী যাব নোৱাৰিব আৰু কোনো লক্ষণ নোহোৱা যাত্ৰীও থাকিব পাৰে। কোৱাৰেন্টাইন বিষয়টো বাস্তৱসন্মতভাৱে বিবেচনা কৰিব লাগিব আৰু ১৪ দিনৰ কোৱাৰেন্টাইন বাস্তৱ নহয় । এইদৰে কয় মন্ত্ৰীজনে।