প্ৰায় একেই সময়ত একেই ধৰণৰ টুইট । বহুতৰ টুইটৰ ভাষা সম্পূৰ্ণ একেই । ক্ৰিকেট খেলুৱৈ শচীন তেণ্ডুলকাৰ, লতা মঙ্গেশকাৰ তেওঁলোক সকলোৰে টুইটৰ তদন্ত কৰিব মহাৰাষ্ট্ৰ চৰকাৰে । কৃষি আইনৰ সমৰ্থনত আৰু কৃষক আন্দোলনৰ বিপক্ষে তাৰকাসকলক টুইট কৰিবলৈ কোনোৱে বাধ্য কৰিছিল নে নাই, সেয়া তদন্ত কৰিব মুম্বাই আৰক্ষীয়ে ।
মহাৰাষ্ট্ৰ গৃহমন্ত্ৰণালয়ৰ তথ্য অনুসৰি, তদন্তৰ দায়িত্বভাৰ দিয়া হৈছে ৰাজ্যৰ চোৰাংচোৱা বিভাগক । মহাৰাষ্ট্ৰৰ গৃহমন্ত্ৰী অনিল দেশমুখে কয়, ‘এই টুইটসমূহ সংঘবদ্ধভাৱে কৰা হৈছিল নে নাই সেয়া পৰ্যৱেক্ষণ কৰিব ৰাজ্য চোৰাংচোৱা বিভাগে । সকলোবোৰ টুইট প্ৰকাশ হোৱা সময় প্ৰায় একেই । লগতে যিদৰে ঐক্যবদ্ধভাৱে টুইট কৰা হৈছে ইয়াৰ পিছত কোনো পৰিকল্পনা আছে ।’ সুনিল শেট্টিৰ টুইটত বিজেপি ত্যাগ কৰাৰ বিষয়েও উল্লেখ কৰিছে মন্ত্ৰী দেশমুখে ।
দেওবাৰে ঘটনা সন্দৰ্ভত তদন্তৰ দাবী জনায় কংগ্ৰেছে । মহাৰাষ্ট্ৰৰ গৃহমন্ত্ৰী অনিল দেশমুখক প্ৰত্যক্ষভাৱে লগ কৰি এই দাবী জনায় আহে কংগ্ৰেছ মুখপাত্ৰ ছচিন সাৱন্তে । সাৱন্তৰ মন্তব্য, ‘বলীউড তাৰকা অক্ষয় কুমাৰ, সুনিল শেট্টি, ক্ৰীড়া ব্যক্তিত্ব শচীন তেণ্ডুলকাৰ, ছাইনা নেহুৱালৰ দৰে বহুতেই একেই ধৰণৰ টুইট কৰিছে ।
অক্ষয়, ছাইনাৰ টুইটাৰৰ ভাষাও সম্পূৰ্ণ একেই দেখা যায় । সুনিলৰ টুইটত এজন বিজেপি নেতাক টেগ কৰা । এই ধৰণৰ টুইট কৰিবৰ বাবে বিজেপিয়ে চাপ দিছিল নে নাই, সেয়া তদন্ত কৰি চোৱা উচিত । যদি সেইটো হয়, তেনেহ’লে এইসকল জাতীয় নায়কৰ নিৰাপত্তা বৃদ্ধি কৰা প্ৰয়োজন ।’ সাৱন্ত-অনিলৰ সাক্ষাতৰ পাছতে তদন্তৰ সিদ্ধান্ত গ্ৰহণ কৰে উদ্ধৱ থাকৰেৰ চৰকাৰে ।
ঘটনাৰ সূত্ৰপাত হয় তিনি ফেব্ৰুৱাৰীত । সেইদিনা ছুইডেনৰ পৰিৱেশকৰ্মী গ্ৰেটাৰ থুনবাৰ্গ, আমেৰিকাৰ পপ গায়িকা ৰিহানাসহ কেইজনমান আন্তৰ্জাতিক স্তৰৰ বিশিষ্ট ব্যক্তিত্বই টুইট কৰিছিল কৃষি আন্দোলনৰ সমৰ্থনত । ইয়াৰ পাছতেই শচীন তেণ্ডুলকাৰ, লতা মংগেশকাৰসহ বলীউড ও ক্ৰীড়া তাৰকাসকলে টুইট কৰে কেন্দ্ৰৰ সপক্ষে । সেই টুইট ছিৰিজৰে এইবাৰ তদন্ত আৰম্ভ কৰিলে মহাৰাষ্ট্ৰ চৰকাৰে ।